ხარაგაულის #2 საჯარო სკოლის გუნდმა ინტელექტუალური თამაშის – „რა?“ „სად?“ „როდის?“ ფინალურ შეხვედრაში, იმერეთის მასშტაბით, მეორე ადგილი დაიკავა.

პროექტის – „ინტელექტის დღე 2018“ ფინალური შეხვედრა 13 ოქტომბერს თბილისში გაიმართა. შეხვედრაში საქართველოს 73 მუნიციპალიტეტის 77 ჩემპიონი გუნდი მონაწილეობდა.

„ინტელექტის დღე 2018“ პირველი ეტაპი ხარაგაულში 2 ივნისს ჩატარდა. ხარაგაულის #2 საჯარო სკოლის გუნდმა მუნიციპალიტეტის მასშტაბით პირველი ადგილი დაიკავა.

ფინალური შეხვედრა სამ ტურად შედგა. თითოეულ ტურში მონაწილე გუნდებმა 12-12 შეკითხვას უპასუხეს. პირველი ტურის შედეგებით ხარაგაულის #2 საჯარო სკოლის გუნდი პირველ ადგილზე გავიდა. საბოლოოდ, ხარაგაულის #2 საჯარო სკოლის გუნდმა საქართველოს მასშტაბით მე-9 ადგილი დაიკავა.

იმერეთის მასშტაბით პირველ ადგილზე ქუთაისის ქართულ-ამერიკული სკოლა „პროგრესის“ გუნდი გავიდა.