ხარაგაულის მუნიციპალიტეტის სოფელ ლაშის საჯარო სკოლას დაარსებიდან 100 წელი შეუსრულდა. სკოლა ახალმოწამე სიმონ მჭედლიძის თაოსნობით აიგო და დღეს მის სახელს ატარებს.

ხუთშაბათს, 11 ოქტომბერს, სკოლის საიუბილეო თარიღთან დაკავშირებით, ხარაგაულის ოთარ აბაშიძის სახელობის სახალო თეატრი ლაშის სკოლაში ლიტერატურულ სპექტაკლს „ილიას კვალზე“ გამართავს. ღონისძიებას სიმონ მჭედლიძის შთამომავლები, ხარაგაულის მუნიციპალიტეტის ადგილობრივი ხელისუფლებისა და საზოგადოების წარმომადგენლები დაესწრებიან.