ხარაგაულის მუნიციპალიტეტის მერმა ნიკოლოზ თოფურიძემ დღეს, 24 სექტემბერს, „ეტალონის“ რაიონულ ტურში პირველ სამ ადგილზე გასული მოსწავლეები ლეპტოპებით დააჯილდოვა.

„ეტალონის“ რაიონული ტური 2017 წლის 2 დეკემბერს გაიმართა.

ხარაგაულის „ეტალონი მოსწავლე“ ლიზა ბარბაქაძე გახდა (ხარაგაულის #2 სკოლა), მეორე ადგილზე გავიდა ნინო მაღრაძე (ვახანის სკოლა), მესამე ადგილზე – მარიამ კოჩაძე (მარელისის სკოლა).

მუნიციპალიტეტის მერი ნიკოლოზ თოფურიძე  გამარჯვებულ მოსწავლეებს მათ მშობლებთან და ხარაგაულის საგანმანათლებლო რესურსცენტრის უფროს მარინე ვეფხვაძესთან ერთად შეხვდა.

მერმა მოსწავლეებს შემდგომი წარმატებები უსურვა.