მეორე დღეა, დ. ხარაგაულის მოსახლეობას სასმელი წყალი არ მიეწოდება. წვიმის დროს ლეღვნის წყალსადენის სათავე ნაგებობაში წყალი იმღვრევა და წყალმარაგების კომპანია ამის გამო  მომხმარებლებს წყლის მიწოდებას უწყვეტს.

ხარაგაულელებს აღნიშნული პრობლემა, წლებია, აწუხებთ და ამ საკითხის გადაწყვეტას საშველი ვერ დაადგა.

გაერთიანებული წყალმომარაგების კომპანიის ხარაგაულის სერვისცენტრის უფროსის, ტარიელ ავალიშვილის, ინფორმაციით, ხარაგაულელებისთვის წყლის მიწოდება, შესაძლოა, ამ საღამოს აღდგეს.