ხარაგაულის მუნიციპალიტეტის სოფელ ხიდრის საჯარო სკოლის დირექტორმა ეთერ პაპავამ სოციალურ ქსელში ემოციური სტატუსი გამოაქვეყნა:

„2018 წლის 29 იანვარი, 11:30 სთ, აუქციონი რამდენიმე წუთში დასრულდება. უახლოეს მომავალში ეს სკოლა აქ აღარ იქნება. ახალი სასწავლო წელი ახალ სკოლაში დაიწყება.

დღეს შეფასების ჯგუფმა ამ შენობაში ბოლო გაკვეთილი მოისმინა. ამ სკოლაში უამრავი თაობა აღიზარდა, ბევრმა მასწავლებელმა იმოღვაწა, ღმერთმა ნათელში ამყოფოს მათი სული.

ამჟამად ვინც მუშაობენ, დიდხანს იცოცხლონ და მრავალი თაობა აღზარდონ.

ძალიან განვიცდი… ბაგრატ პაპავას რამდენი შრომა აქვს ამ შენობის შენარჩუნებისთვის გაწეული, მე კი – მისი შვილი ვანგრევ და ახალს ვაშენებთ – კარგი საქმე გაკეთდება, სტანდარტული შენობა აიგებება.“