„ჩემი ხარაგაულის“ ჟურნალისტების – ნინო კაპანაძისა და თამთა გოგოლაძის ჟურნალისტურმა ნამუშევრებმა კონკურსში – „მზე-რა“ გაიმარჯვა.

ჟურნალისტებისთვის ეს კონკურსი ორგანიზაციამ  -„ენერგოეფექტურობის ცენტრი საქართველო“ – ევროკავშირის მიერ დაფინანსებული პროექტის – „მერების შეთანხმება კლიმატისა და ენერგეტიკისთვის – აღმოსავლეთით III ფაზა“ – ფარგლებში გამოაცხადა.

„ჩემი ხარაგაულის“ ჟურნალისტების მიერ კლიმატის ცვლილებასთან ადაპტაციისა და განახლებადი ენერგიების მნიშვნელობაზე მომზადებულმა ნამუშევრებმა მეოთხე საპრიზო ადგილი დაიმსახურა.

ამ კონკურსში საპრიზო ადგილები მოიპოვეს ჟურნალისტებმა:

  • ნინო ვართაპეტიანი (ქართული მედია ბლოგი) – I ადგილი;
  • სულხან მესხიძე, ნაზიბროლა რეხვიაშვილი („აჭარა თაიმსი“) – II ადგილი;
  • თამარ გაზდელიანი (რუსთავი2) – III ადგილი;
  • წამახალისებელი ჯილდო – ედიშერ ჯობავა (ონლაინ პლატფორმა „ენერგო დინამიკა“).

„ჩემი ხარაგაულის“ ჟურნალისტების მიერ კონკურსში გამარჯვებული ნამუშევრებია:

გარემოს დაბინძურება თუ გავაგრძელეთ, აღარც ეს ჰაერი გვექნება – ლია რამინიშვილი

მზის ელექტროსადგურები ხარაგაულში, კლიმატის ცვლილების შესარბილებლად

კონკურსის დაჯილდოების ცერემონია „ევროპის მდგრადი ენერგეტიკის კვირეულის – EUSEW-2023“-ს ფარგლებში თბილისში, „წიგნის სახლი ბახტრიონზე“, გაიმართა.

ამავე პროექტის ფარგლებში დაჯილდოვდნენ ლიტერატურული კონკურსის – „ლილე 2026“ გამარჯვებულები:

  • I ადგილი –  ქეთი  გაბინაშვილი – მოთხრობა – „ჩერმენის სახელოსნო“;
  • II ადგილი – მიხო მოსულიშვილი – მოთხრობა – „ცა იყო ტბაში“;
  • III ადგილი – ლევან ლორია – მოთხრობა – „ეჰ, ელისაბედ… ელისაბედ“…;  
  • IV ადგილი  – მირიან შავიშვილი – მოთხრობა – „ჩვენ შორის ღმერთმა გაიარა“;
  • წამახალისებელი ჯილდო – ციცინო გრატიაშვილი, მოთხრობა – „მოგზაურობა ევროპაში“.