ხარაგაულის მუნიციპალიტეტის თვითმმართველი ერთეულის 2026 წლის პირველი კვარტლის ბიუჯეტი შემოსულობების ნაწილში განისაზღვრა 5 144 900 ლარით.

ფაქტობრივად, მუნიციპალიტეტმა I კვარტალში მიიღო 3 438 600 ლარის შემოსულობები; შემოსულობების გეგმა შესრულებულია 66,8 %-ით. გასული წლის შესაბამის პერიოდთან შედარებით, ხარაგაულის მუნიციპალიტეტმა 5 034 200 ლარით ნაკლები შემოსავალი მიიღო (2025 წლის იანვარ-მარტში მიღებული გვქონდა 8 472 800 ლარი.). ეს გამოწვეულია გადასახადებიდან და გრანტებიდან მიღებული შემოსავლების კლებით.                                                                                                                                                           

  1. გადასახადებში მუნიციპალიტეტს საანგარიშო პერიოდში დაგეგმილი 2 951 100 ლარიდან მიღებული აქვს 1 208900 ლარი (41%; გასული წლის I კვარტალში მუნიციპალიტეტს გადასახადებიდან 4 614 700 ლარი ჰქონდა მიღებული). მათ შორის:

ქონების გადასახადი – I კვარტალში დაგეგმილი არ ყოფილა, რადგან დაზუსტდა წლის დასაწყისში საქართველოს რკინიგზისა და სხვა გადამხდელების მიერ უკან  წაღებული 1 573 900 ლარის გადასახადის გამო. I კვარტალში შპს „საქართველოს რკინიგზის“ მიერ უკან არის წაღებული 1 356 200 ლარი, ხოლო უცხოური კოპანიების – შპს „ჰუნანის გზებისა და ხიდების სამშენებლო ჯგუფისა“ და „ჩინეთის გზების და ხიდების კორპორაციის“ მიერ  241 200 ლარი. აღსანიშნავია, რომ გასული წლის I კვარტალში 2 086 500 ლარი გვქონდა მიღებული.

დამატებული ღირებულების გადასახადი შემოსულია 2 782 800 ლარი (დაგეგმილის 94,3%).

  1. სახელმწიფო ბიუჯეტიდან მიღებულია გრანტები I კვარტალში 800 600 ლარი, დაგეგმილი 1 841 600 ლარის ნაცვლად. გასული წლის I კვარტალში 3 517 800 ლარი იყო მიღებული. გრანტების გეგმა განსაზღვრულია აღებული ვალდებულებების მიხედვით, ხოლო ფაქტიური – გაწეული ხარჯების მიხედვით (მიღება-ჩაბარებების გათვალისწინებით);

მათ შორის:

– მიზნობრივი ტრანსფერი მუნიციპალიტეტის დელეგირებული უფლებამოსილების განსახორციელებლად 436 300 ლარი. აქედან, მოსწავლეთა ტრანსპორტირებაზე 343 800 ლარი,  საზოგადოებრივ ჯანდაცვასა და არასრულწლოვანთა დახმარებაზე – 67 000 ლარი და სკოლების რეაბილიტაციაზე 25 500 ლარი;

– საქართველოს რეგიონებში განსახორციელებელი პროექტების ფონდიდან მიღებულია 364 400 ლარი, ხოლო გეგმა 1 370 300 ლარით გვქონდა განსაზღვრული.

  1. სხვა შემოსავლების I კვარტლის გეგმა განისაზღვრა 349 700 ლარით, ფაქტობრივად კი მიღებულია 1 429 100 ლარი (408,7%); წინა წელთან შედარებით მიღებულია 1 088 800 ლარით მეტი. მნიშვნელოვნად გაიზარდა კომერციული ბანკიდან მიღებული პროცენტების თანხა და შეადგინა 186 100 ლარი. ბუნებრივი რესურსებით სარგებლობის მოსაკრებელი მიღებულია 17 900 ლარი; შემოსავალი მიწის იჯარიდან და მართვაში (უზურფრუქტი, ქირავნობა და სხვ.) გადაცემიდან 4 600 ლარი. სანებართვო მოსაკრებელი 700 ლარი; დასუფთავების მოსაკრებელი 12 800 ლარი. ჯარიმებიდან, სანქციებიდან და საურავებიდან I კვარტალში შემოსულია 1 184 200 ლარი.
  2. არაფინანსური აქტივების კლებიდან დაგეგმილი იყო 2 500 ლარი და I კვარტალში აქედან თანხა არ მიგვიღია.
  3. 2026 წლის პირველი იანვრისათვის არსებული საკუთარი საბიუჯეტო სახსრების 4 141 100 ლარის ნაშთიდან მიმდინარე წლის გადასახდელების დასაფარად უკვე გამოყენებულია 3 212 800 ლარი, მათ შორის I კვარტლის ხარჯების დასაფარავად მიმართულია 3 103 600 ლარი, ხოლო ფაქტობრივად გამოყენებულია 2 544 400 ლარი.

ხარაგაულის მუნიციპალიტეტის ბიუჯეტით, 2026 წლის I კვარტალში გადასახდელები დაგეგმილი იყო 9 190 900 ლარით; ფაქტობრივად დაფინანსებულია 6 235 100 ლარის ხარჯი (67,8%); გასული წლის შესაბამის პერიოდთან შედარებით 2 506 400 ლარით ნაკლები. 2025 წლის I კვარტალში გაწეული იყო 8 741 500 ლარის ხარჯი. სხვაობა, ძირითადად, გამოწვეულია იმით, რომ გასული წლის I კვარტალში დაფინანსდა წინა 2024 წლიდან გადმოყოლილი გზების რეაბილიტაციის წინმსწრები პროექტები, რომელთა დაფინანსების თანხა გადმოვიდა ახალ, 2025 წელში. ხოლო უშუალოდ 2025 წლის წინმსწრები პროექტების დაფინანსება შესაძლებელი გახდა ისევ 2025 წლის ბოლო რიცხვებში.

  1. მმართველობა და საერთო დანიშნულების ხარჯები დაფინანსებულია 75,1%-ით. მ.შ. მუნიციპალიტეტის საკრებულოს შესანახ ხარჯებზე გაწეულია 360 600 ლარი და დაფინანსებულია 86,5%; მუნიციპალიტეტის მერიის შესანახი ხარჯები დაფინანსებულია 958 800 ლარით (73,6%).

კადრების მომზადება-გადამზადებასთან, კვალიფიკაციის ამაღლებასა და სტაჟირებასთან დაკავშირებული ხარჯებიდან ათვისებულია 1 300 ლარი.

მუნიციპალიტეტის სარეზერვო ფონდიდან, მერის ბრძანებით, გამოყოფილია 27 700 ლარი, მათ შორის: 20 300 ლარი მიმართულია სოციალური დაცვაზე, აქედან:

– 6 300 ლარი სამკურნალო და საოპერაციო ხარჯებით დახმარებაზე;

-9 000 ლარი ერთჯერად ფინანსურ დახმარებაზე, აქედან 3 000 ლარი მოხმარდა სტიქიიისაგან დაზარალებულ სოფელ ხემაღალში მცხოვრები მოქალაქეების დახმარებას. 5 000 ლარი გამოიყო შშმ ბავშვის საზღვარგარეთ სამკურნალოდ გასამგზავრებლად; ხოლო 1 000 ლარი გამოიყო სათნოების სახლის ბენეფიციარი პირის დაკრძალვის ხარჯებისათვის.

– 5 000 ლარი სტიქიის შედეგად დაზარალებული და/ან მძიმე საცხოვრებელი პირობების მქონე ოჯახების დახმარება, უსახლკაროთა და ძალადობის მსხვერპლთა ბინის ქირით უზრუნველყოფაზე.

– 7 400 ლარი მიიმართა მუნიციპალიტეტის მოსახლეობის პატრიარქის დაკრძალვაზე დასაწრებად, მისთვის პატივის მიგების მიზნით სატრანსპორტო ხარჯების ასანაზღაურებლად.

  1. ინფრასტრუქტურის განვითარებაზე 2026 წლის I კვარტლის შედეგების მიხედვით გეგმით გათვალისწინებული 2 302 400 ლარიდან დაფინანსებულია 785 800 ლარი (34,1%). აქედან: გზების კაპიტალურ შეკეთებაზე მიმდინარე წლის საანგარიშო პერიოდში დაგეგმილი 1 771 800 ლარიდან ფაქტობრივად გაწეულია 512 000 ლარი. აქედან 401 000 ლარი სახ. ფონდებით და 111 000 ლარი საკუთარი სახსრებით. მ. შ. საქართველოს მთავრობის 2024 წლის 31/12 N1955 განკარგულებით საქართველოს რეგიონებში განსახორციელებელი პროექტების ფონდიდან შესასრულებელ სამუშაოებზე დახარჯულია 15 200 ლარი, რომელიც მიიმართა სოფლების – უბისას, საბეს, ქროლისა და წიფის საუბნო გზების რეაბილიტაციაზე.

საქ. მთავრობის 2025 წლის 30/07 N1207 განკარგულებით, 22 200 ლარი მოხმარდა მარელისის გზის მობეტონებასა და საპროექტო დოკუმენტაციის შესყიდვას.

მთავრობის 2026 წლის 16.01.N102 განკარგულებით საქართველოს რეგიონებში განსახორციელებელი პროექტების ფონდიდან გამოყოფილი 363 600 ლარით მოხდა უბისის, ქროლისა და ბაზალეთის ა/ერთეულში სოფელ წიფის საუბნო გზების რეაბილიტაცია.

გზების მიმდინარე შეკეთებაზე დახარჯულია 3 300 ლარი.

ხიდების, ბოგირების მშენებლობა, რეაბილიტაციაზე დაგეგმილი 68 600 ლარიდან გაწეულია 47 500 ლარი, აქედან მთავრობის N1207 განკარგულებით ხიდარში მოეწყო ხიდის მოაჯირი. მუნიციპალიტეტის საკუთარი სახსრებით 43 000 ლარი მოხმარდა ისლარსა და უბისაში ხიდების მშენებლობას.

მოსახლეობის საზოგადოებრივი ტრანსპორტით უზრუნველსაყოფად დაგეგმილი 78 500 ლარიდან   ფაქტობრივად ათვისებულია 43 500 ლარი, რომლის ფარგლებშიც ხორციელდებოდა მუნიციპალიტეტისგან დაქირავებული მიკროავტობუსების რეისები სხვადასხვა მიმართულებებით; ასევე საქართველოს მთავრობის სარეზერვო ფონდიდან, მისი უწმინდესობისა და უნეტარესობის, სრულიად საქართველოს კათალიკოს-პატრიარქის, ილია მეორის დაკრძალვის ცერემონიალზე დასასწრებად ტრანსპორტირების ხარჯების ასანაზღაურებლად 10 400 ლარი.

წყლის სისტემის განვითარებაზე დაგეგმილი 43 000 ლარიდან ფაქტობრივად გაწეულია 6 300 ლარი. მათ შორის უშუალოდ სასმელი წყლის სისტემის მოსაწესრიგებლად გახარჯულია 5 500 ლარი, ხოლო სანიაღვრე არხების მოწყობაზე – 900 ლარი.

გარე განათების პროგრამას მოხმარდა 131 500 ლარი; აქედან სუბსიდირებაზე დაგეგმილი 160 900 ლარიდან დახარჯულია 96 500 ლარი, ხოლო გარე განათების ახალი წერტილების მოწყობაზე 35 000 ლარი, – ვარძიაში სასოფლო გზაზე გარე განათების მოსაწყობად, სამოქალაქო ბიუჯეტირების ფარგლებში.

კეთილმოწყობაზე დაგეგმილი 120 300 ლარიდან ფაქტობრივად გახარჯულია 30 500 ლარი, პატარა ხარაგაულში არსებული სკვერის რეაბილიტაციაზე, ასევე სამოქალაქო ბიუჯეტირების ფარგლებში.

სოფლის მხარდამჭერი პროგრამით დახარჯულია 4 900 ლარი – ელექტროგამანაწილებელ და ბუნებრივი აირის ქსელზე მიერთების თანხა.

დასუფთავება და გარემოს დაცვაზე I კვარტალში დაგეგმილი 1 049 900 ლარიდან დახარჯულია 749 300 ლარი (71,4 %);  მ/შ დასუფთავებისა და ნარჩენების გატანაზე დაგეგმილი 952 600 ლარიდან გაიხარჯა 669 600 ლარი; მწვანე ნარგავების მოვლა-პატრონობაზე დაგეგმილი 192 300 ლარიდან – 79 700; მიუსაფარი ცხოველების მოვლითი ღონისძიებები I კვარტალში არ დაფინანსებულა.

  1. განათლებაზე 2026 წლის I კვარტალში დაგეგმილი 2 002 100 ლარიდან დახარჯულია 1 623 700 ლარი (81,1%); მ/შ სკოლამდელი დაწესებულებების ფუნქციონირებაზე დაგეგმილი 1 025 400 ლარიდან დახარჯულია 926 700 ლარი; მოსწავლეთა ტრანსპორტირების მომსახურეობაზე 364 900 ლარი; საჯარო სკოლების რეაბილიტაციაზე – 210 600 ლარი.

ზოგადი განათლების ხელშეწყობაზე (ბორის საჯარო სკოლის პანსიონური მომსახურება) გაწეულია 47 700 ლარის ხარჯი. სკოლისგარეშე განათლების ხელშეწყობაზე (მოსწავლე-ახალგაზრდობის სახლი) დაგეგმილი 82 600 ლარიდან გაწეულია 73 900 ლარის ხარჯი.

  1. კულტურა, ახალგაზრდობა და სპორტზე დაგეგმილი 1 090 300 ლარიდან დახარჯულია 885 700 ლარი (დაფინანსებულია 81,2%-ით). მ/შ – სპორტის განვითარებას მოხმარდა 322 600 ლარი, აქედან სპორტული ღონისძიებების დაფინანსებაზე დახარჯულია 400 ლარი; სპორტის ხელშეწყობაზე 181 200 ლარი; სპორტული ობიექტების რეაბილიტაცია, მშენებლობა აღჭურვაზე – 140 900 ლარი, აღნიშნული სახსრები მოხმარდა ბორითში, ნადაბურში, კიცხში, ვახანის, მოლითის და საღანძილის ა/ერთეულში სპორტული სივრცის მოწყობას, ასევე გადახდილია ზვარეში მინი სტადიონის ობიექტზე ელექტროგამანაწილებელ ქსელზე მიერთების თანხა.

კულტურის სფეროს განვითარებაზე დაგეგმილი 530 000 ლარიდან დახარჯულია 508 800 ლარი (95,9 %). აქედან: სახელოვნებო განათლების ხელშეწყობაზე დაიხარჯა 75 200 ლარი; კულტურის, ხელოვნების და ტურიზმის ხელშეწყობაზე 423 800 ლარი; ფოლკლორის ხელშეწყობის დაფინანსებაზე 8 400 ლარი; კულტურული ღონისძიებების დაფინანსებაზე 1 400 ლარი; მოქალაქეთა ჩართულობისა და ინფორმირების პროგრამაზე 24 400 ლარი; რელიგიური ორგანიზაციების ხელშესაწყობად გადარიცხულია 30 000 ლარი; ახალგაზრდული პროგრამა I კვარტალში არ დაფინანსებულა.                                                                                                                                                                                                                                                                                                                        5. ჯანმრთელობის დაცვასა და სოციალურ უზრუნველყოფის პროგრამაზე I კვარტალში დაგეგმილი 987 600 ლარიდან დაიხარჯა 869 900 ლარი (დაფინანსებულია 88,1%-ით).

აქედან:

საზოგადოებრივი ჯანდაცვა და უსაფრთხო გარემოს უზრუნველყოფაზე დაგეგმილი 84 600 ლარიდან დახარჯულია 78 600 ლარი; მ/შ – 46 900 ლარი მიზნობრივი ტრანსფერით, ხოლო 31 800 ლარი მუნიციპალიტეტის საკუთარი საბიუჯეტო სახსრებით.

  • სოციალური დაცვის პროგრამებით 2026 წლის I კვარტალში დაგეგმილი 903 000 ლარიდან ათვისებულია 791 300 ლარი (87,6 %). აქედან:

– სამკურნალო და საოპერაციო ხარჯების ქვეპროგრამით ისარგებლა 276 ბენეფიციარმა და დაგეგმილი 156 300 ლარიდან ანგარიშსწორება მოხდენილია 153 200 ლარზე. აქედან 6 300 ლარი მიიმართა სარეზერვო ფონდიდან (გეგმა შესრულებულია 98,0 %-ით).

– შშმ პირთა დახმარების ქვეპროგრამა I კვარტალში განისაზღვრა 23 000 ლარით, ფაქტობრივად დაიხარჯა 18 500 ლარი (80,4%), ქვეპროგრამით ისარგებლა 71-მა ბენეფიციარმა.

– ერთჯერადი ფინანსური დახმარების ქვეპროგრამით დაგეგმილი 279 000 ლარიდან  ფაქტობრივად  დახარჯულია 277 500 ლარი (99,5 %) და დაკმაყოფილდა მოქალაქეთა 925 განცხადება. სარეზერვო ფონდიდან გამოიყო 9 000 ლარი, აქედან 3 000 ლარი მოხმარდა სტიქიისაგან დაზარალებულ სოფელ ხემაღალში მცხოვრები მოქალაქეების დახმარებას. 5 000 ლარი გამოიყო შშმ ბავშვის საზღვარგარეთ სამკურნალოდ გასამგზავრებლად; ხოლო 1 000 ლარი გამოიყო სათნოების სახლის ბენეფიციარი პირის დაკრძალვის ხარჯებისათვის

– ლეიკემიით დაავადებულთა და დიალიზზე მყოფი პირების დახმარება გეგმით განისაზღვრა 18 000 ლარით, ფაქტობრივად დაიხარჯა 9 700 ლარი; პროგრამაში ჩართულია 14 პირი.

– მრავალშვილიანი ოჯახების დახმარების  ქვეპროგრამაში I კვარტლის გეგმა განისაზღვრა 25 000 ლარით, დახარჯულია 20 500 ლარი (82,0%); დაკმაყოფილდა 49 განცხადება.

– მარტოხელა მშობლების დახმარების გეგმა განისაზღვრა 6 000 ლარით, დახარჯულია 5 200 ლარი (გეგმა შესრულებულია 86,3%-ით); ყოველთვიურად მოსარგებლეა 25 მარტოხელა მშობელი.

– მარჩენალდაკარგულთა დახმარების ქვეპროგრამაზე I კვარტალში დაიგეგმა 15 000 ლარი, ფაქტობრივად გაიხარჯა 12 000 ლარი. გეგმით გათვალისწინებული თანხა ათვისებულია 79,7%-ით. დაკმაყოფილდა 42 განცხადება.

– ყოველთვიური დახმარების ქვეპროგრამით დაგეგმილი იყო 21 000 ლარი. ათვისებულია 19 600 ლარი. ქვეპროგრამით მოსარგებლეა 94 ბენეფიციარი.

– ტერიტორიული მთლიანობისთვის ომში დაღუპულთა ოჯახების დახმარების ქვეპროგრამაში 2026 წ. I კვარტალში ხარჯი არ გაწეულა.

– ხანდაზმულთა დახმარების ქვეპროგრამა I კვარტალში დაგეგმილი იყო 2 000 ლარით, ფაქტიურად  დახარჯულია 2 000 ლარი. მოსარგებლეა მხოლოდ ერთი პირი.

– სადღესასწაულო დღეების დახმარების გეგმა იყო 6 000 ლარი, დახარჯულია 4 600 ლარი, სხვადასხვა სახის დახმარება გაიცა 5 პირზე.

– სოციალურად დაუცველ და უპატრონო მიცვალებულთა სარიტუალო  მომსახურება დაგეგმილი იყო 5 000 ლარით, ფაქტიური ხარჯია – 1 800 ლარი; დაკმაყოფილდა 7 განცხადება.

– უკიდურესად გაჭირვებული ოჯახების გათბობის უზრუნველსაყოფად ფინანსური დახმარების  გეგმა განისაზღვრა 20 000 ლარით. დახარჯულია 7 100 ლარი, ისარგებლა 18 ოჯახმა. 

– ახალშობილთა ოჯახების დახმარების გეგმა განისაზღვრა 8 000 ლარით. დახარჯულია 4 900 ლარი (შესრულება 60,6%); ისარგებლა 20 ახალშობილის ოჯახმა.

– გარდაცვლილი დევნილის ან ვეტერანის დაკრძალვაზე ხარჯი არ გაწეულა.

– სტიქიის შედეგად დაზარალებული ოჯახების დახმარების ქვეპროგრამით დაგეგმილი 170 900 ლარიდან ათვისებულია 136 900 ლარი. აქედან 97 000 ლარი გამოყოფილია სახელმწიფო ბიუჯეტიდან და 39 900 ლარი – მუნიციპალიტეტის საკუთარი სახსრებით. 2026 წ. I კვარტალში დახმარება გაიცა 55 მოქალაქეზე. აქედან, 24 ოჯახს ფულადი ფორმით გაეწია 115 900 ლარის დახმარება. უსახლკაროთა და ძალადობის მსხვერპლთა ბინის ქირით უზრუნველყოფილია 31 მოქალაქე. სარეზერვო ფონდიდან ამ ქვეპროგრამაზე მიმართულია 5 000 ლარი.

– უფასო სასადილოს მომსახურებით ისარგებლა 191-მა ბენეფიციარმა და დაგეგმილი 89 500 ლარიდან ათვისებულია 78 200 ლარი (87,3 %).

– სოციალური დაცვის ობიექტების რეაბილიტაცია და ინვენტარით უზრუნველყოფა I კვარტალში დაგეგმილი 7 500 ლარიდან ხარჯები არ გაწეულა.

– გადაუდებელი რეაგირების ქვეპროგრამით დაგეგმილი 12 000 ლარი სრულად იქნა ათვისებული. ამ ქვეპროგრამის ფარგლებში განხილულია 14 საქმე.

– ომისა და სამხედრო ძალთა ვეტერანთა დახმარების ქვეპროგრამით გეგმა განისაზღვრა 8 000 ლარით. დაკმაყოფილდა 31 განცხადება და დაიხარჯა 8 000 ლარი სრულად.

– არასრულწლოვანთა დახმარების ქვეპროგრამის გეგმა განისაზღვრა 29 300 ლარით, დახარჯულია 19 800 ლარი; მათ შორის 4 800 ლარი არის მიზნობრივი ტრანსფერის და 15 000 ლარი მუნიციპალიტეტის საკუთარი საბიუჯეტო სახსრებით. ისარგებლა 14-მა ოჯახმა.

– პერსონალური ასისტენტის მომსახურების ქვეპროგრამით დაგეგმილი 1 300 ლარი არ გაწეულა.

  • ხარაგაულის მუნიციპალიტეტის ა(ა)იპ-ებს და სსიპ-ებს 2026 წლის I კვარტალში ხარაგაულის მუნიციპალიტეტის ბიუჯეტიდან მიღებული აქვს 2 764 100 ლარი, რომელიც მთლიანად არის გამოყენებული. აღნიშნული ხარჯებიდან სულ შრომის ანაზღაურებაზე მიმართულია 2 328 900 ლარი; შტატგარეშე მომუშავეთა ანაზღაურებაზე 31 800 ლარი; 5 400 ლარი – მივლინებაზე; 144 100 ლარი –  საოფისე ხარჯების გაწევაზე; 74 700 ლარი კვების ხარჯებზე; 300 ლარი სამედიცინო ხარჯებზე; 36 400 ლარი მიმართულია სატრანსპორტო ხარჯების ანაზღაურებაზე; 137 500 ლარი სხვადასხვა სახელშეკრულებო მომსახურების შესყიდვაზე; 1 700 ლარი დაიხარჯა სოციალური უზრუნველყოფის ხარჯებზე და 3 200 ლარი სხვა ხარჯების ანაზღაურებაზე.

2026 წლის პირველი იანვრისათვის ა(ა)იპ-ებს ჯამში ერიცხებოდათ 28 400 ლარის საკუთარი შემოსავალის ნაშთი, I კვარტალში საკუთარი შემოსავალი მიღებული აქვთ მხოლოდ 2 000 ლარი; დახარჯული აქვთ 5 600 ლარი და საანგარიშო პერიოდის ბოლოსათვის ნაშთებში დარჩათ 24 800 ლარის საკუთარი შემოსავალი.

სულ 2026 წლის I კვარტალში ხარაგაულის მუნიციპალიტეტის მიერ გაწეული 6 235 100 ლარიდან არაფინანსური აქტივების ზრდაზე გაწეულია 1 047 600 ლარი და ყველა დანარჩენ ხარჯებზე 5 187 500 ლარი; მათ შორის შრომის ანაზღაურებაზე 839 300 ლარი; შტატგარეშე მომუშავეების ანაზღაურებაზე 274 700 ლარი; მივლინებებზე 2 400 ლარი; საოფისე ხარჯებზე 39 100 ლარი; წარმომადგენლობითი ხარჯების ანაზღაურებაზე 1 700 ლარი; სატრანსპორტო ხარჯების ანაზღაურებაზე 439 100 ლარი; მუნიციპალიტეტისათვის სხვადასხვა სახის მომსახურეობის გაწევაზე 28 400 ლარი; სხვადასხვა სახის სუბსიდირებაზე 2 707 700 ლარი; საგრანტო მომსახურეობაზე 56 500 ლარი; სოციალურ უზრუნველყოფაზე 600 000 ლარი; სხვა ხარჯების, მათ შორის სტიქიის შედეგად მიყენებული ზარალის ანაზღაურებაზე 198 500 ლარი.