ხარაგაულის საგანმანათლებლო რესურსცენტრიდან მოპოვებული ინფორმაციით, ხარაგაულის მუნიციპალიტეტში მოქმედი 26-ვე სკოლაში სასწავლო პროცესი შეწყვეტილია.

დიდთოვლობის გამო, სკოლებმადე მისასვლელი გზები გაუწმენდელია და მიკროავტობუსებით მოსწავლეების ტრანსპორტირება ვერ ხერხდება. ამიტომ სწავლა 4 მარტამდე გადაიდო, – აცხადებენ ხარაგაულის საგანმანათლებლო რესურსცენტრში.

ხარაგაულის მუნიციპალიტეტში მოქმედ სკოლებში სასწავლო პროცესი 25 თებერვალს ორი დღით შეწყდა. თუმცა, მუნიციპალიტეტში გადაუღებლად თოვს და სოფლებში თოვლის საფარი 2 მეტრს აღწევს.

გაცდენილი დღეები ანაზღაურდება საგაზაფხულო არდადეგების შემდგომ ყოველ შაბათ დღეს.