ხარაგაულის კულტურისა და ხელოვნების ცენტრის (დირექტორი მამუკა ჭიპაშვილი) ორგანიზებით, 30 იანვარს დაიწყო და 27 თებერვლის ჩათვლით გაგრძელდება ინტელექტუალური თამაშის – „რა? სად? როდის?“ ზამთრის სერია.

წამყვანის წინააღმდეგ უკვე ითამაშეს გივი კურტანიძისა და დავით ჩადუნელის ექვსკაციანმა გუნდებმა. გივი კურტანიძის გუნდმა ანგარიშით 6:2, ხოლო დავით ჩადუნელის გუნდმა – 6:1 გაიმარჯვეს. დღის მოაზროვნეებად გივი კურტანიძე და ნიკოლოზ მაჭავარიანი დასახელდნენ.

მომდევნო კვირებში სპარტაკ ლაცაბიძისა და ვერა ოდიკაძის ექვსეულები ითამაშებენ. 27 თებერვალს ფინალში ამ სერიის საუკეთესო შედეგის მქონე გუნდი ითამაშებს.

ამავე თემაზე
აზარტული ვარ და ყოველთვის გამარჯვებისკენ ვისწრაფვი – თამარ ფცქიალაძე
ხარაგაულში ინტელექტუალური თამაშის ფინალები დასრულდა