თვეზე მეტია, რისკჯგუფებისთვის საქართველოში სეზონური გრიპის საწინააღმდეგო ვაქცინაცია  დაიწყო.

ხარაგაულის საზოგადოებრივი ჯანდაცვის ცენტრის დირექტორის, ალექსანდრე ტაბატაძესგან მოპოვებული ინფორმაციით, ხარაგაულში  სეზონური გრიპის საწინააღმდეგო 2 ათასი დოზა ვაქცინა მიიღეს. ეს ვაქცინები ხარაგაულის საავადმყოფოსა და სოფლის ამბულატორიებს გადასცეს.

„პირველი ნოემბრის მდგომარეობით, ამ ვაქცინების 72% გახარჯულია, – ამბობს ალექსანდრე ტაბატაძე, – რისკჯგუფებში მყოფმა, აცრის მსურველმა მოქალაქეებმა საავადმყოფოსა და ამბულატორიას თავისი სტატუსის დამადასტურებელი ცნობა უნდა წარუდგინონ.

სეზონური გრიპის საწინააღმდეგო ვაქცინაცია უფასოდ ეკუთვნით დიაბეტის მქონე პირებს; დიალიზზე მყოფ პირებს; C ჰეპატიტის მქონე მკურნალობაზე მყოფ პირებს; აივ ინფექცია/შიდსის მქონე პირებს; ორსულებს; 60 წლისა და უფროსი ასაკის ხანდაზმულებს; პედაგოგებს; საბავშვო ბაღების თანამშრომლებს; ექიმებს, ვეტერინარებსა და სხვ.

სეზონური გრიპის საწინააღმდეგო ვაქცინით აცრის სხვა მსურველებმა კომერციული სერვისითა და კერძო კლინიკების საშუალებით უნდა ისარგებლონ.

ამავე თემაზე

გრიპის ვაქცინაცია რიკსჯგუფებისთვის უსაფრთხო და აუცილებელია – გოჩა გიორგიძე