ხარაგაულის მუნიციპალიტეტში კორონავირუსი, პირველად დაფიქსირებიდან დღემდე, 3 122 ადამიანს დაუდასტურდა.

მათგან 2 650 პირი გამოჯანმრთელდა, 42 – გარდაიცვალა.

ხარაგაულის საზოგადოებრივი ჯანდაცვის ცენტრისგან მოპოვებული ინფორმაციით, ხარაგაულში covid-19, ბოლო ხუთ დღეში, 70 პირს გამოუვლინდა.

ამჟამად ხარაგაულის მუნიციპალიტეტში კორონავირუსით ინფიცირებულია 430 ადამიანი. მათგან 37 დაავადებული სტაციონარში მკურნალობს; დანარჩენები – ბინაზე, ოჯახის ექიმის მეთვალყურეობით. იზოლაციაშია 102 პირი.

ბოლო სამ დღეში covid-19 ხარაგაულში ექვს ბავშვს დაუდასტურდა.

დღეს ხარაგაულისა და ბორითის საავადმყოფოს თანამშრომლებს კორონავირუსზე PCR ტესტირება ჩაუტარდათ. პასუხები ხვალ, 7 დეკემბერს, გახდება ცნობილი.