წყალაფორეთში სკოლის შენობის რეაბილიტაცია გასული წლის ბოლოს დაიწყო, თუმცა პროექტში ბევრი შეუსაბამობა აღმოჩნდა და მშენებელმა კომპანიამ შენობის დანგრევა და ახლის აშენება მოითხოვა.

რა ბედი ელის წყალაფორეთის სკოლას ამის გასარკვევად საგანმანათლებლო და სამეცნიერო ინფრასტრუქტურის განვითარების სააგენტოს მივმართეთ:

„წყალაფორეთში დაგეგმილია თანამედროვე სტანდარტების ადაპტირებული  საჯარო სკოლის მშენებლობა. ამ ეტაპზე  ინფრასტრუქტირუსა და განვითარების სააგენტომ პროექტზე მუშაობა დაიწყო  და მშენებლობის გრაფიკი დგინდება. როდის დაიწყება და ვინ განახორციელებს მშენებლობას, ამ ეტაპზე განხილვის ეტაპზეა”, – ამბობს სააგენტოს პრესსამსახურის წარმომადგენელი თეა ლაცაბიძე.

ამჟამად წყალაფორეთის სკოლის მოსწავლეებს გაკვეთილები სოფელ თეთრაწყაროში არსებული სკოლის შენობაში უტარდებათ.

ფოტოზე: ასე გამოიყურება წყალაფორეთის სკოლის შენობა