ცენტრალურმა საარჩევნო კომისიამ #48 ხარაგაულის საოლქო საარჩევნო კომისიის წევრად ამავე კომისიის დროებითი წევრი ნუნუ კოხოძე აირჩია.

შესაბამისად, ცესკომ გამოაცხადდა შესარჩევი კონკურსი #48 ხარაგაულის საოლქო საარჩევნო კომისიის დროებითი წევრის ვაკანტური ადგილის დასაკავებლად.

კონკურსში მონაწილეობის მსურველებს საბუთების წარდგენა მატერიალური სახით შეუძლიათ ცესკოში 2021 წლის 22 და 23 სექტემბერს (10:00 საათიდან – 18:00 საათამდე). მისამართი: თბილისი, დავით აღმაშენებლის ხეივანი №138, ან ელექტრონული ფოსტის მისამართზე: vakansia@cec.gov.ge

#48 ხარაგაულის საოლქო კომისიაში წევრის ადგილი ვაკანტური მას შემდეგ გახდა, რაც არჩილ ბლიაძე ამავე კომისიის მდივნად აირჩიეს, ხოლო მისმა წინამორბედმა მაყვალა სულაქველიძემ თანამდებობა პირადი განცხადების საფუძველზე დატოვა.