ს/ს „ავტოტრანსის“ დირექტორის, დავით ხარაძესგან მოპოვებული ინფორმაციით, დღეს, 25 თებერვალს, ხარაგაულის ავტოსადგურიდან მიკროავტობუსები კიცხი-ზესტაფონის, ძირულა-ზესტაფონის, ტყიბულის, ქუთაისისა და თბილისის მიმართულებებით გავიდა.

მგზავრობის ღირებულება ამ დროისთვის ხარაგაულიდან და ხარაგაულის სოფლებიდან თბილისამდე 10 ლარი ღირს, ხარაგაულიდან ქუთაისამდე – 5 ლარი, ზესტაფონამდე – 3 ლარი, ტყიბულამდე – 5 ლარი.

დავით ხარაძე განმარტავს, რომ სავალდებულოა მიკროავტობუსებს ავტოსადგურიდან გასვლამდე

  • ჩაუტარდეს დეზინფექცია;
  • მძღოლსა და ყველა მგზავრს ეკეთოს პირბადე.

ტრანსპორტში აკრძალულია

  • კონდიციონერის ჩართვა;
  • მგზავრის ფეხზე დგომა.

კორონავირუსის პანდემიის გამო საქალაქთაშორისო ტრანსპორტის მიმოსვლა 28 ნოემბრიდან აიკრძალა.

გუშინ საქართველოს მთავრობისა და საკოორდინაციო საბჭოს გადაწყვეტილებით, შეზღუდვების შემსუბუქება დაიწყო.