ქვეყანაში შექმნილი მძიმე ეპიდსიტუაციის გამო გადაწყდა სხვადასხვა სახის წერტილოვანი შეზღუდვის შემოღება, რომელიც პრემიერ-მინისტრმა გიორგი გახარიამ საზოგადოებას გააცნო.

ეს შეზღუდვები ასე გამოიყურება:

  • 28 ნოემბრიდან 24 დეკემბრის ჩათვლით ქვეყნის 8 დიდი ქალაქში – თბილისში, ქუთაისში, ზუგდიდში, ფოთში, რუსთავში, გორსა და თელავში; ასევე სათხილამურო კურორტებში –  გუდაური, ბაკურიანი, მესტია და გოდერძი, – ყველა სახის ბაზრობები გადავლენ მიტანის სერვისზე, ანუ იმუშავებენ დისტანციურად.
  • შეჩერდება მუნიციპალური და საქალაქთაშორისო ტრანსპორტი.
  • ამ პერიოდში მუშაობას ჩვეულ რეჟიმში გააგრძელებენ აგრარული ბაზრები, სურსათის, ჰიგიენისა და ზოო მაღაზიები; ასევე ბანკები, აფთიაქები, ყველა სახის სამრეწველო ქარხნები და მშენებლობები, წყლისა და გაზის მიწოდებაზე მომუშავე კომპანიები და სილამაზის სალონები.
  •  დაიკეტება ფიტნეს დარბაზები და საცურაო აუზები. რესტორნები გადავლენ  მიტანის სერვისზე.
  • გადაადგილებაზე შეზღუდვა 22.00 საათის ნაცვლად, დაიწყება 21.00 საათიდან. ეს შეზღუდვა არის მთელი ქვეყნის მასშტაბით და არა კონკრეტულ ქალაქებში.

საახალწლო დღეებთან დაკავშირებით, ეს შეზღუდვები მოიხსნება 24 დეკემბრიდან 2 იანვრის ჩათვლით. 3 იანვრიდან 15 იანვრამდე ქვეყანაში გამოცხადდება უქმე დღეები. 16 იანვრიდან 1 თებერვლამდე ყველა ზემოთ აღნიშნული შეზღუდვა მოიხსნება და დარჩება მხოლოდ შაბათ-კვირას.

პრემიერ-მინისტრი გიორგი გახარია ამბობს, რომ აღნიშნული შეზღუდვები მობილობას შეამციერებს, რაც ეპიდსიტუაციის გაუმჯობესებას ხელს შეუწყობს.

„ჩვენი მიზანია, შევაჩეროთ ეპიდემიის გავრცელება. შემთხვევებს ასეულებამდე ვერ დავიყვანთ, ამის ილუზია არ უნდა გვქონდეს. თუმცა აღნიშნული შეზღუდვებით ეპიდემიის გავრცელების სისწრაფე შემცირდება. ჯანდაცვის სისტემა აღარ გადაიტვირთება და ლეტალობის მაჩვენებელიც დაიკლებს. ეს არის ამ გეგმის მთავარი მიზანი. შეზღუდული რესურსი, რომელიც ჩვენ გაგვაჩნია, მაქსიმალურად უნდა გამოვიყენოთ იმისათვის, რომ ნაკლები ზიანი მივიღოთ“, – ამბობს გიორგი გახარია.