ორშაბათიდან, 8 ივნისიდან, საქალაქთაშორისო ტრანსპორტის მიმოსვლა აღდგება.

მგზავრების გადაყვანა მხოლოდ გარკვეული წესების დაცვით იქნება შესაძლებელი.

ს/ს „ავტოტრანსის“ დირექტორი დავით ხარაძე განმარტავს, რომ სავალდებულოა მიკროავტობუსებს ავტოსადგურიდან გასვლამდე

  • ჩაუტარდეს დეზინფექცია;
  • მძღოლსა და ყველა მგზავრს ეკეთოს პირბადე და ხელთათმანი;
  • ღია იყოს ფანჯრები.

ტრანსპორტში აკრძალულია

  • კონდიციონერის ჩართვა;
  • მგზავრის ფეხზე დგომა.

დავით ხარაძე ამბობს, რომ ეპიდსიტუაციიდან გამომდინარე, შესაძლოა, ზემოთ ჩამოთვლილი რეგულაციები შეიცვალოს.

ხარაგაულის ავტოსადგურიდან მიკროავტობუსები ქუთაისის, ზესტაფონის, ტყიბულისა და თბილისის მიმართულებით გადაადგილდებიან.

კორონავირუსის პანდემიის გამო საქალაქთაშორისო ტრანსპორტის მიმოსვლა 18 მარტიდან აიკრძალა.

ნინო კაპანიძე