საქართველოს პრეზიდენტის 2018 წლის 28 ოქტომბრის არჩევნებისთვის, 12 ოქტომბრიდან საუბნო საარჩევნო კომისიების ხელმძღვანელი პირების (თავმჯდომარე, თავმჯდომარის მოადგილე, მდივანი) ტრენინგები მიმდინარეობს.

მონაწილეები, ცესკოს სწავლების ცენტრისგან შემუშავებული ტრენინგების კონცეფციის შესაბამისად, ეცნობიან საუბნო საარჩევნო კომისიის კომპეტენციას ამომრჩეველთა სიებთან დაკავშირებით; კომისიის ხელმძღვანელთა ფუნქციებს საარჩევნო უბნის გახსნის, კენჭისყრის, საარჩევნო უბნის დახურვის, ხმების დათვლის, კენჭისყრის შედეგების შემაჯამებელი ოქმის შედგენასა და საოლქო საარჩევნო კომისიისათვის დოკუმენტაციის გადაცემის პროცესებში.