ხარაგაულის მინიციპალიტეტის საკრებულოს იურიდიულ, სამანდატო, საპროცედურო საკითხთა და ეთიკის კომისიამ საკრებულოში კიდევ ორი ახალი ფრაქციის შექმნას მხარი დაუჭირა.

„ქართული ოცნება-მწვანეების“ თავმჯდომარე აკაკი ლურსმანაშვილი იქნება, ფრაქციას „თვითმმართველობა ხალხისათვის“ ინგა მაღრაძე უხელმძღვანელებს.

ფრაქციის თავმჯდომარეებს ეყოლებათ მოადგილეებიც.

ახალი ფრაქციების შექმნას საკრებულო 2 აპრილის სხდომაზე ცნობად მიიღებს.

ამ მომენტისთვის ხარაგაულის საკრებულოში სამი ფრაქცია ფუნქციონირებს – „ქართული ოცნება-დემოკრატიული საქართველო,“ „ქართული ოცნება-კონსერვატორები“ და „ქართული ოცნება-მრეწველები.“

ფრაქციის თავმჯდომარეთა ყოველთვიური ანაზღაურება 1 650 – 1 650 ლარია, მათი მოადგილეების – 1 100 – 1 100 ლარი.