25 აპრილს ხარაგაულის #2 საჯარო სკოლაში, საგანმანათლებლო კვირეულის ფარგლებში, ინტელექტუალური თამაში „რა? სად? როდის?“ გაიმართა. მასში ხარაგაულის მუნიციპალიტეტში მოქმედი 20 სკოლის გუნდი მონაწილეობდა.

თამაშის ძირითად დროში ხარაგაულის #3 საჯარო სკოლისა და ხარაგაულის ანდრია პირველწოდებულის სახელობის გიმნაზიის გუნდებმა ერთნაირი შედეგები აჩვენეს. დამატებით ტურში ხარაგაულის #3 საჯარო სკოლის გუნდმა გაიმარჯვა.

ხარაგაულში საგანმანათლებლო კვირეული ხარაგაულის რესურსცენტრის ინიციატივით მიმდინარეობს.

თამთა გოგოლაძე