ხვალ 9 აპრილია, უკვე 27 წელი გავიდა (1989) იმ საშინელი ტრაგედიიდან რომელიც გამთენიისას თბილისში, რუსთაველისგამზირზე მოხდა. საბჭოთა კავშირის სადამსჯელო ნაწილებმა მშვიდობიანი საპროტესტო აქცია დაარბიეს.

სპეციალურად 9 აპრილისთვის, ინფორმაციის თავისუფლების განვითარების ინსტიტუტი (IDFI) პირველად აქვეყნებს ამერიკისშეერთებული შტატების (აშშ) საარქივო ფონდებში დაცულ საიდუმლო დოკუმენტებს. დოკუმენტები მოიცავს შეერთებულიშტატების შესაბამისი სამსახურების მიერ (დაზვერვის დირექტორატი, აშშ-ის სახელმწიფო დეპარტამენტი, მოსკოვში აშშ-ის საელჩო) 1989 წლის აპრილის თვეში საქართველოში მომხდარი მოვლენების შესახებ მომზადებულ ანალიტიკურ ცნობებს. ამსაარქივო მასალების შესახებ დეტალური ინფორმაციისთვის იხილეთ ბმული: http://bit.ly/23nvv6K