სოფლის მეურნეობის სამინისტროს ხარაგაულის საინფორმაციო-საკონსულტაციო სამსახურის სპეციალისტის ვაჟა მაჭავარიანის ინფორმაციით, მცირემიწიან ფერმერთა 2016 წლის საგაზაფხულო სამუშაოების ხელშეწყობის პროექტის ფარგლებში ხარაგაულის მუნიციპალიტეტში 8 166 ბარათი დარიგდა.

„ექვსი ათასამდე ხვნის ბარათი უკან დაბრუნდა. ბარათების დაბრუნების პროცესი  ამჟამადაც მიმდინარეობს. აღნიშნული პროგრამის ფარგლებში შპს „მექანიზატორის“ მიერ ხარაგაულის მუნიციპალიტეტში მოხნულია 38 ჰა მიწის ფართობი.

მიწის დახვნის პროცესი მიმდინარეობს კიცხში, ლაშეში, საღანძილესა  და ღორეშაში.  სულ ხარაგაულის მუნიციპალიტეტში მოხნულია 73 ჰა მიწის ფართობი,“ – ამბობს ვაჟა მაჭავარიანი.