დღეს, სოფლის მეურნეობის სამინისტროს ხარაგაულის საინფორმაციო-საკონსულტაციო სამსახურმა ადმინისტრაციულ ერთეულებში გამგებლის წარმომადგენლებს თუთის ნერგები გადასცა.

ამ სამსახურის სპეციალისტის, ვაჟა მაჭავარიანის ინფორმაციით, ხარაგაულის მუნიციპალიტეტში სულ 1000 ცალი თუთის ნერგი დარიგდა.

„სოფლის მეურნეობის სამინისტროს ინიციატივით იწყება მეაბრეშუმეობის პროგრამა, რომლის ფარგლებშიც ღვინის კომპანია „ასკანელი ძმებისაგან“ სოფლის მეურნეობის სამინისტროს გადაეცა უზბეკეთიდან ჩამოტანილი თუთის ნერგები. ნერგები ხარაგაულის მუნიციპალიტეტის სოფლებში მოსახლეობის მოთხოვნის შესაბამისად განაწილდა. აღნიშნული პროგრამა მომავალშიც გაგრძელდება,“ – ამბობს ვაჟა მაჭავარიანი.