ამის შესახებ ინფორმაცია ხარაგაულის მუნიციპალიტეტის საკრებულოს ბიუროს 29 თებერვლის სხდომაზე საკრებულოს წევრმა მარინე ვეფხვაძემ გაავრცელა.

მარინე ვეფხვაძის ინფორმაციით, 3 მარტს ხარაგაულში არაინვაზიური კარდიოლოგიის ცენტრი „სისტოლა“ და შპს „კარდიოექსპრესი“ ექიმთა ჯგუფთან ერთად აწარმოებენ მოსახლეობის სამედიცინო გასინჯვებს.

პაციენტებს უფასოდ მოემსახურებიან კარდიოლოგები, ენდოკრინოლოგები და ქირურგი-გასტროენტოროლოგი.

საჭიროების შემთხვევაში პაციენტებს გადაუღებენ ელექტროკარდიოგრამას. გაისინჯება შაქრის ანალიზი სისხლში.

ექიმები პაციენტებს მიიღებენ ბორის სკოლა-პანსიონის შენობაში 3 მარტს, 11:30-დან 17:00 საათამდე.

ხარაგაულის მოსახლეობას ბორში მისასვლელად უფასოდ მოემსახურება მიკროავტობუსი. მსურველები უნდა მიბრძანდნენ 12:00 და 14:00 საათებზე ხარაგაულის მუნიციპალიტეტის გამგეობასთან.

ხარაგაულის მუნიციპალიტეტის გამგებელთან შეთანხმებით სამედიცინო მომსხურების ჯგუფთან მოლაპარაკებებს აწარმოებს საკრებულოს დეპუტატი მარინე ვეფხვაძე.