წიგნის კითხვის საერთაშორისო დღეს, 24 თებერვალს, ხარაგაულის ცენტრალურ ბიბლიოთეკაში ხარაგაულის საკრებულოს წევრ მარინა ვეფხვაძის ინიციატივით გაიმართა ღონისძიება, რომელშიც მონაწილეობდნენ ხარაგაულელი პოეტები, ღვაწლმოსილი პედაგოგები და ლიტერატურის მოყვარულები.მათ გაიხსენეს წარსული, წაიკითხეს ლექსები და ისაუბრეს მწერლობაზე.

ხარაგაულის საპატიო მოქალაქე, ღვაწლმოსილი პედაგოგი ენდი ბუაჩიძე ამბობს, რომ წიგნი არის კაცობრიობის მეხსიერება. მასში გადმოცემულია ის, რაც საუკუნეების განმავლობაში საზოგადოებამ განიცადა. „ძალიან სამწუხაროა, რომ დღევანდელი ახალგაზრდები წიგნებს დაშორდნენ და კომპიუტერს მიეჯაჭვნენ. იმედი მაქვს, ასეთი ღონისძიებები ხელს შეუწყობს ახალგაზრდებში წიგნით დაინტერესებას,“ – აღნიშნავს ენდი ბუაჩიძე.

ღონისძიებაზე საკუთარი ლექსები წაიკითხეს ვალერი გოგნაძემ, ნიკო წიკლაურმა, ლიზი ბარბაქაძემ. საყვარელი ლექსები ასევე წაიკითხეს ვარლამ ვეფხვაძემ, ირინე ჩხეიძემ, ვალოდა კელენჯერიძემ და სხვებმა.

თამთა გოგოლაძე

biblioTeka biblioTeka-2