#48 ხარაგაულის საოლქო საარჩევნო კომისიაში ორ ვაკანტურ ადგილზე გამოცხადებულ კონკურსში ექვსი პირი მონაწილეობდა.

ხარაგაულის საოლქო საარჩევნო კომისიაში ვაკანსიები მას შემდეგ გაჩნდა, რაც კომისიის ორ წევრს, – მაყვალა სულაქველიძესა და ლალი ტალახაძეს, – უფლებამოსილების ხუთწლიანი ვადა ამოეწურათ.

ცენტრალურმა საარჩევნო კომისიამ #48 ხარაგაულის საოლქო საარჩევნო კომისიის წევრებად მაყვალა სულაქველიძე და ნელი ვეფხვაძე აირჩია. მაყვალა სულაქველიძემ ცესკოს 13-ვე წევრის მხარდაჭერა დაიმსახურა, ხოლო ნელი ვეფხვაძემ კონკურსში ცესკოს 9 წევრის მხარდაჭერით გაიმარჯვა.

შეგახსენებთ, რომ #48 ხარაგაულის საოლქო საარჩევნო კომისიის თავმჯდომარეა გია ცისკაძე, მოადგილე – კახაბერ კალანდაძე, წევრები: მაყვალა სულაქველიძე, ქეთევან მოდებაძე და ნელი ვეფხვაძე.

2016, 2017 და 2018 წლების საპარლამენტო, თვითმმართველობისა და საპრეზიდენტო არჩევნების მაღალი სტანდარტებით ჩატარებას ვუსურვებთ #48 ხარაგაულის სოლქო საარჩევნო კომისიას.