სოფლის მეურნეობის სამინისტროს ხარაგაულის მუნიციპალიტეტის საინფორმაციო-საკონსულტაციო სამსახური და ხარაგაულის მუნიციპალიტეტის გამგეობა მუშაობს 2016 წლის „მცირემიწიან ფერმერთა საგაზაფხულო სამუშაოების ხელშეწყობის პროექტის“ მონაცემთა ბაზების კორექტირებაზე.

ფერმერებმა, რომლებმაც 2013-2015 წლებში სასოფლო-სამეურნეო ბარათი მიიღეს დაბალ ფართობზე, ვიდრე რეალურად არის მათ მფლობელობაში, გამგებლის წარმომადგენლებთან მათ ტერიტორიულ ერთეულში უნდა წარადგინონ მიწის ნაკვეთის საკუთრების დამადასტურებელი დოკუმენტი (ამონაწერი საჯარო რეესტრიდან). მხოლოდ აღნიშნულ შემთხვევაში მოხდება ფართობის მომატება.

გარდა ზემოთ აღნიშნულისა, ფერმერებმა, რომლებიც არ მონაწილეობდნენ 2013-2015 წლის პროექტში, სიებში მოსახვედრად უნდა წარმოადგინონ იგივე დოკუმენტი (ამონაწერი საჯარო რეესტრიდან).

სოფლის მეურნეობის სამინისტროს ხარაგაულის მუნიციპალიტეტის საინფორმაციო-საკონსულტაციო სამსახური