ძირულაში ხარაგაულიდან გამოსასვლელი გზა წყალდიდობის გამო ჩაკეტილია

ამ წუთებში ძირულადან ცენტრალურ საავტომობილო მაგისტრალამდე მისასვლელი გზა მთლიანად წყლითაა დაფარული.

სარკინიგზო ხიდის ქვეშ გამავალ საავტომობილო გვირაბში წყლის დონე, როგორც ფოტოზეც ჩანს, საკმაოდ მაღალია.

ასევე წყლითაა დაფარული ძირულადან ზესტაფონისკენ მიმავალი ალტერნატიული საავტომობილო გზაც.

მდინარე ჩხერიმელა იმდენადაა მოდიდებული, რომ წყლის დონე თითქმის აღწევს რკინიგზის სადგურ ძირულასთან გადასასვლელ საავტომობილო ხიდამდე.

ხარაგაულში მდინარე ჩხერიმელა ადიდებული მოდის.