17 ოქტომბერს დაიწყო და პირველ ნოემბერს დასრულდება ეროვნული სასწავლო ოლიმპიადის პირველი ტური. ოლიმპიადა სკოლებში ტარდება და მასში ზოგადსაგანამანთლებლო დაწესებულებების მეათე, მეთერთმეტე და მეთორმეტე კლასელები მონაწილეობენ.

ოლიმპიადა უკვე ჩატარდა ქართულ ენასა და ლიტერატურაში, ბიოლოგიაში, მათემატიკაში, რუსულ ენაში, ფიზიკაში, გერმანულ ენაში, ისტორიასა და ინგლისურ ენაში.

31 ოქტომბერს 10:00 საათზე ეროვნული სასწავლო ოლიმპიადის პირველი ტური ჩატარდება გეოგრაფიაში, 14 საათზე – ფრანგულში, პირველ ნოემბერს 10:00 საათზე – ქიმიაში.

ხარაგაულის საგანმანათლებლო რესურსცენტრის პედაგოგის, თინათინ ბოჭორიშვილის ინფორმაციით, ოლიმპიადაში ხარაგაულის მუნიციპალიტეტის ყველა საშუალო სკოლაა ჩართული.

ეროვნულ სასწავლო ოლიმპიადას შეფასებისა და გამოცდებს ეროვნული ცენტრი ატარებს. შედეგები ამავე ცენტრის ვებ-გვერდზე გამოქვეყნდება.