ხარაგაულის მუნიციპალიტეტის 2026 წლის ბიუჯეტში ჯანდაცვისა და სოციალური პროგრამების დაფინანსებაში ცვლილება შევიდა, რაც ამ პროგრამების 1 მილიონი ლარით გაზრდას ითვალისწინებს. ეს გადაწყვეტილება ხარაგაულის მუნიციპალიტეტის თვითმმართველობამ სოციალური პროგრამების ცხრა თვის შედეგების ანალიზიდან გამომდინარე მიიღო.

დამატებით გამოყოფილი 1 მილიონი ლარი შემდეგნაირად გადანაწილდა:

  • სამკურნალო და საოპერაციო ხარჯებით დახმარების ქვეპროგრამა – 300 ათ. ლარით გაიზრდება;
  • შშმ პირთა დახმარების ქვეპროგრამა – 20 ათ. ლარით;
  • ერთჯერადი ფინანსური დახმარების ქვეპროგრამა – 240 ათ. ლარით;
  • სადღესასწაულო დღეების დახმარება – 100 ათ. ლარით;
  • ახალშობილთა დახმარების ქვეპროგრამა – 20 ათ. ლარით;
  • უკიდურესად გაჭირვებული ოჯახების გათბობის უზრუნველსაყოფად ფინანსური დახმარების ქვეპროგრამა – 120 ათ. ლარით;
  • სტიქიური მოვლენების შედეგად დაზარალებული და მძიმე საცხოვრებელი პირობების მქონე ოჯახების დახმარება და უსახლკაროთა და ძალადობის მსხვერპლთა ბინის ქირით უზრულველყოფა – 100 ათ. ლარით; აქედან: ბინის ქირით უზრუნველყოფისათვის – 20 ათ. ლარი და სტიქიიის შედეგად მიყენებული ზიანის ასანაზღაურებლად – 80 ათ. ლარი;
  • გადაუდებელი რეაგირების ქვეპროგრამა – 70 ათ. ლარით;
  • არასრულწლოვანთა დახმარების ქვეპროგრამა – 30 ათ. ლარით.

დამატებით ეს ერთი მლნ ლარი ხარაგაულის მუნიციპალიტეტის 2026 წლის ბიუჯეტში პირველი იანვრისათვის არსებული სახსრების თავისუფალი ნაშთიდან გამოიყო.

ამ ცვლილებით, 2026 წელს სოციალური პროგრამებისთვის ადგილობრივი ბიუჯეტიდან გამოყოფილი თანხა 5 611 300 ლარი გახდა.