ენერგიის არაეფექტურად გამოყენება კლიმატის ცვლილების გამომწვევი ერთ-ერთი მიზეზია.

ენერგოეფექტურობის კარგი შესაძლებლობაა განახლებადი ენერგიის წყაროების, მათ შორის მზის პანელების, გამოყენება.

მზის პანელები, მათი ფასიდან გამომდინარე, ყველა საწარმოსა და მით უმეტეს, მოსახლეობის ფართო ფენებისთვის ხელმისაწვდომი ვერ არის.

ხარაგაულის მუნიციპალიტეტში საზოგადოებრივმა ორგანიზაციამ „ქალები ქვეყნის მომავლისათვის“ (დამფუძნებელი ხათუნა მანჯავიძე), ევროკავშირის დაფინანსებით, ეკო-გრანტების პროგრამის ფარგლებში, 2019-2023 წლებში, რამდენიმე პროექტი განახორციელა.

რატომ არის მნიშვნელოვანი განახლებადი ენერგიების გამოყენება კლიმატის ცვლილების შესარბილებლად, – ამის შესახებ ხარაგაულში მზის ელექტროსადგურიდან მოსარგებლე მეწარმე ქალი – მარიკა ხარატიშვილი და მკვლევარი ენერგეტიკისა და კლიმატის ცვლილების საკითხებში გიორგი მუხიგულიშვილი გვესაუბრებიან.

საზოგადოებრივმა ორგანიზაციის – „ქალები ქვეყნის მომავლისათვის“ მიერ 2019-2023 წლებში ხარაგაულში ენერგოეფექტურობის მიმართულებით განხორციელებული პროექტებია:

  • 2019 წელს ხარაგაულის მუნიციპალიტეტის ხუთ საბავშვო ბაღში (ხარაგაულის #1, წყალაფორეთის, ვარძიის, კიცხისა და ბორითის) 30 კვტ-იანი, ქსელში ჩართული, მზის მიკროელექტროსადგური დამონტაჟდა;
  • 2020 წელს მუნიციპალიტეტში მცხოვრებ მარტოხელა მშობლებსა და მრავალშვილიან ოჯახებს (სულ 11 ოჯახი) დაუმონტაჟდათ შეშაზე მომუშავე ენერგოეფექტური ღუმელი წყლის გამათბობლით, მხედველობადაქვეითებულ ერთ მარტოხელა დედას კი – მზის ენერგიაზე მომუშავე წყლის გამათბობელი;
  • 2023 წელს 5 კვტ-იანი მზის ელექტროსადგური მოეწყო მცირე ბიზნესში ჩართული ხუთი ინდმეწარმე ქალისთვის;
  • 2023 წელს ხარაგაულის „სათნოების სახლთან“ დაფუძნდა სოციალური სამრეცხაო, რომლისთვისაც ასევე 5 კვტ-იანი მზის ელექტროსადგურია დამონტაჟებული.

ნინო კაპანაძე
თამთა გოგოლაძე

ამავე თემაზე დაგაინტერესებთ

კლიმატის ცვლილების შესარბილებლად ალტერნატიული ენერგიები უნდა გამოვიყენოთ – ხათუნა მანჯავიძე

რა სარგებელი მოგვიტანა ხარაგაულში მზის ელექტროსადგურებმა