ენერგეტიკული თანამეგობრობის სამდივნო გერმანიის საერთაშორისო თანამშრომლობის საზოგადოებასთან (GIZ) თანამშრომლობით ატარებს პირველ ფოტოკონკურსს სახელწოდებით „ქალები ენერგეტიკაში“.

კონკურსის მიზანია სამხრეთ-აღმოსავლეთ და აღმოსავლეთ ევროპის ენერგეტიკის სექტორში დასაქმებულ ქალთა ცნობადობის და აღიარების გაზრდა მათი მრავალფეროვანი როლების, ექსპერტიზისა და წვლილის ხაზგასმით.

კონკურსი იწვევს ენერგეტიკის სექტორში დასაქმებულ ქალებს, რომლებიც დიდი ხნის განმავლობაში ცხოვრობენ ენერგეტიკულ თანამეგობრობასთან ხელშეკრულების დამდები ერთ-ერთ  ქვეყანაში, მათ შორის საქართველოში, მოლდოვასა და უკრაინაში, წარმოადგინონ მაქსიმუმ ორი ფოტოსურათი, რომლებიც მათ რეალურ სამუშაო გარემოში აღბეჭდავს. წარდგენილი ფოტო უნდა ასახავდეს განმცხადებლის საკუთარ პროფესიულ ისტორიას, გამოცდილებას ან გზას და ენერგეტიკის სექტორის რეალურ სამუშაო გარემოს.

10 შერჩეული გამარჯვებულისთვის უზრუნველყოფილი იქნება საერთაშორისო ცნობადობა მათი ფოტოების გამოფენით სამართლიანი გადასვლის ფორუმზე პოდგორიცაში 2026 წლის 20 ოქტომბერს; ფორუმში მონაწილეობას მიიღებს სხვადასხვა ქვეყნის 120-მდე დაინტერესებული მხარე როგორც ენერგეტიკის, ისე სხვა სექტორებიდან. გამოფენა შესაძლოა ასევე წარმოდგენილი იყოს სხვა რეგიონულ და საერთაშორისო ღონისძიებებზე.

გარდა ამისა, სამი მთავარი პრიზის მფლობელს მიეცემა შესაძლებლობა აირჩიოს ერთ-ერთი შემდეგი ვარიანტებიდან:

  • მგზავრობისა და დაბინავების ხარჯების ანაზღაურება 500 ევრომდე ოდენობით „სამართლიანი გადასვლის ფორუმზე“ დასასწრებად, რომელიც იქნება პლატფორმა მათი ისტორიების წარმოსადგენად და ძირითად დაინტერესებულ მხარეებთან დასაკავშირებლად; ან
  • 500 ევრომდე ოდენობის ანაზღაურება მათ მიერ შერჩეულ კვალიფიკაციის ამაღლების სასწავლო კურსში მონაწილეობისთვის ენერგეტიკის სფეროში, მათი პროფესიული განვითარების ხელშეწყობის მიზნით.

საკონკურსო განაცხადების შეტანა შეუძლიათ ქალებს, რომლებიც დასაქმებულები არიან ტექნიკურ, ოპერატიულ, საველე, საინჟინრო, რეგულირების, პოლიტიკის, კვლევით და მენეჯერულ პოზიციებზე.

განაცხადები მიიღება 2026 წლის 21 სექტემბრამდე.

წყარო