უბისა-ღორეშა-ბაზალეთის დამაკავშირებელი ცენტრალური სასოფლო გზის რეაბილიტაციის (კაპიტალური შეკეთება) საპროექტო-სახარჯთაღრიცხვო დოკუმენტაციის შესადგენად ხარაგაულის მუნიციპალიტეტისგან გამოცხადებულ ტენდერში ოთხი პრეტენდენტი მონაწილეობდა.

ტენდერი 15 000 ლარზე იყო გამოცხადებული. სატენდერო კომისიამ ტენდერში გამარჯვებულად ცნო ი/მ „ზვიად გოგოლაძე“, რომელმაც ელექტრონული ვაჭრობის დროს დააფიქსირა თანხა 7 850 ლარი. 29 სექტემბერს ი/მ „ზვიად გოგოლაძესთან“ ხელშეკრულება გაფორმდა. ტენდერში გამარჯვებულმა ინდმეწარმემ ივალდებულა, რომ საპროექტო-სახარჯთაღრიცხვო დოკუმენტაციას 3 ნოემბრის ჩათვლით მოამზადებს.

თავად პროექტის, უბისა-ღორეშა-ბაზალეთის დამაკავშირებელი 16 კილომეტრიანი სასოფლო გზის რეაბილიტაციას (კაპიტალური შეკეთება), სავარაუდოდ, ოთხი მილიონი ლარი დასჭირდება.