საქართველოს მართლმადიდებელი ეკლესიის გაფართოებული კრება შედგება 2026 წლის 11 მაისს, 13:00 საათზე თბილისში, ყოვლადწმინდა სამების სახელობის საპატრიარქო ტაძარში საქართველოს კათალიკოს-პატრიარქის არჩევასთან დაკავშირებით.

კრებასთან დაკავშირებული საორგანიზაციო-ტექნიკური დეტალები ცნობილი გახდება მოგვიანებით.

ამ ინფორმაციას საქართველოს საპატრიარქოს საზოგადოებასთან ურთიერთობის სამსახური ავრცელებს.

28 აპრილს საქართველოს საპატრიარქოში გამართულ სინოდის სხომაზე სამი საპატრიარქო კანდიდატი დასახელდა:

საქართველოს კათოლიკოს-პატრიარქის ტახტის მოსაყდრე, სენაკისა და ჩხოროწყუს, ავსტრალიისა და ახალი ზელანდიის მიტროპოლიტი შიო (მუჯირი),
ფოთისა და ხობის მიტროპოლიტი გრიგოლი (ბერბიჭაშვილი),
მროველ-ურბნელი მიტროპოლიტი იობი (აქიაშვილი).
2026 წლის 17 მარტს 93 წლის ასაკში, სრულიად საქართველოს კათალიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი ილია მეორე გარდაიცვალა.