სოციალურად დაუცველი ოჯახების მოსწავლეებისთვის ტანსაცმლის შესაგროვებლად ხარაგაულში საქველმოქმედო აქცია იმართება.

აქციის ინიციატორი და ორგანიზატორია ხარაგაულის საგანმანათლებლო რესურსცენტრი.

ეს ინფორმაცია რესურსცენტრის უფროსმა, ხარაგაულის მუნიციპალიტეტის საკრებულოს წევრმა დავით კიკნაძემ საკრებულოს სხდომაზე დღეს, 7 სექტემბერს, გაავრცელა.

მისი თქმით, აქციაში ჩართვა შესაძლებელია მომდევნო ორი კვირის განმავლობაში.

სურვილის შემთხვევაში უნდა მიბრძანდეთ ხარაგაულის საგანმანათლებლო რესურსცენტრში, ხარაგაულის მუნიციპალიტეტის ადმინისტრაციული შენობის პირველ სართულზე.