გასულ კვირას აშშ-ის ელჩის მოვალეობის შემსრულებელი ალან პერსელი ბათუმსა და ფოთს ესტუმრა, სადაც შეხვდა ადგილობრივ პარტნიორებს და მოინახულა მნიშვნელოვანი პორტები და კომპანიები, რომელიც ხაზს უსვამს საქართველო-ამერიკის ეკონომიკურ თანამშრომლობას.

ბათუმში ელჩის მოვალეობის შემსრულებელი ეწვია „Wondernet” ტერმინალს, რომლის ერთ-ერთი მთავარი ინვესტორიც ამერიკული კომპანია „Trammo”-ა. ასევე, იმყოფებოდა ფოთში, სადაც მოინახულა „APM Terminals” და „PACE” ტერმინალი, გაეცნო მათ საქმიანობას და მოისმინა გაფართოების სამომავლო გეგმების შესახებ.

ვიზიტის ფარგლებში, ბათუმის ამერიკულ კუთხეში, ელჩის მოვალეობის შემსრულებელი აშშ-ის მთავრობის გაცვლითი პროგრამების მონაწილეებს შეხვდა და მოისმინა, თუ როგორ დაეხმარა მათ მიღებული გამოცდილება და კონტაქტები საქართველოში საქმიანობისას.

ასევე, ელჩის მოვალეობის შემსრულებელი შეხვდა ადგილობრივ რელიგიურ ლიდერებს: ბათუმის მიტროპოლიტ დიმიტრისა და ფოთის მიტროპოლიტ გრიგოლს, რათა ადგილობრივ თემთან მათ საქმიანობას გასცნობოდა და ხაზი გაესვა აშშ-ის მხარდაჭერისთვის საქართველოს კულტურული მემკვიდრეობის დაცვის საკითხში.

წყარო