რეჟისორ ირინე ჩხეიძესგან დადგმული სპექტაკლით „დარისპანის გასაჭირი“, ნიდერლანდების ქართული თეატრი 3 მაისს საბერძნეთის დედაქალაქ ათენში საერთაშორისო თეატრალურ ფესტივალზე წარსდგა.

ნიდერლანდების ქართულ თეატრ „ათინათთან“ ირინე ჩხეიძე 2024 წლის ზაფხულიდან თანამშრომლობს. „დარისპანის გასაჭირი“ სწორედ ამ თანამშრომლობის ფარგლებში დაიდგა.

„დიდი ხნის განმავლობაში მინდოდა მენახა ქალბატონი ირინეს შემოქმედება. სულ ცოტა ხნის წინ მშობლიურ ხარაგაულში ვერ, მაგრამ უცხო მიწაზე მომეცა ამ სურვილის ასრულების შესაძლებლობა. მადლობა რეჟისორს და მთელ დასს იმ დაუვიწყარი ემოციებისთვის, რომელიც მათ სცენიდან მაყურებლის გულებამდე მოიტანეს“, – წერს სოციალურ ქსელში სოფიო ჭიპაშვილი და ამ ვიდეოს აქვეყნებს.