31 მარტი საქართველოს ისტორიაში განსაკუთრებული დღეა – ზვიად გამსახურდიას, პირველი პრეზიდენტის, დაბადების დღე.

ზვიად გამსახურდიას ცხოვრება ეროვნული იდენტობის, თავისუფლებისა და სახელმწიფოებრივი აღმშენებლობისთვის თავდაუზოგავი ბრძოლის მაგალითია.

XX საუკუნის 70-80-იან წლებში იგი საბჭოთა რეჟიმის წინააღმდეგ ერთ-ერთი მთავარი ოპოზიციონერი იყო, იმდროინდელი დისიდენტური მოძრაობის ლიდერი. მისი მოღვაწეობა პოლიტიკური თავისუფლებისთვის ბრძოლას, ქართული კულტურის დაცვასა და ეროვნული თვითშეგნების გაღვივებას უკავშირდება.

1990 წელს გამსახურდია სათავეში ჩაუდგა საქართველოს უზენაეს საბჭოს და 1991 წლის 9 აპრილს დამოუკიდებლობის აღდგენა გამოაცხადა, რითაც ქვეყანამ საუკუნოვანი ოცნება აიხდინა. იგი გახდა დამოუკიდებელი საქართველოს პირველი პრეზიდენტი და ეროვნულ-დემოკრატიული სახელმწიფოს ჩამოყალიბების პროცესის ხელმძღვანელი.

თუმცა, მისი პრეზიდენტობა მძიმე გამოწვევებით აღინიშნა. პოლიტიკური კრიზისისა და სამოქალაქო დაპირისპირების ფონზე, ზვიად გამსახურდიამ ხელისუფლება დატოვა, თუმცა დარჩა ქართული სახელმწიფოებრიობისთვის ბრძოლის სიმბოლოდ.

ზვიად გამსახურდიას მემკვიდრეობა დღემდე ცოცხალია და შთაგონების წყაროს წარმოადგენს მომავალი თაობებისთვის.

„ეროვნული თვითშეგნება და თავისუფლება ყველაზე ძვირფასი განძია, რომელიც ერს უნდა ჰქონდეს“,  -ამბობდა ზვიად გამსახურდია.

მუდამ გვახსოვდეს!

ზურა ღამბაშიძე

კავკასიის უნივერსიტეტის სტუდენტი

ასევე დაგაინტერესებთ

საქართველოს დამოუკიდებლობის აღდგენის რეფერენდუმიდან 34 წელი გავიდა