2024-2025 სასწავლო წლის ეროვნული სასწავლო ოლიმპიადის მესამე ტური 9 მარტს დაიწყება და 11 მარტს დასრულდება.

ტესტირება ჩატარდება სსიპ – შეფასებისა და გამოცდების ეროვნული ცენტრის შენობაში (მისამართი: ქ. თბილისი, ელიზბარ მინდელის ქ. №9). დეტალური ინფორმაცია მითითებული იქნება მოსაწვევზე, რომელსაც მონაწილეებს სკოლის ადმინისტრაცია მიაწვდის.

ოლიმპიადის მესამე ტურის განრიგს გაეცანით ბმულზე.

ხარაგაულის საგანმანათლებლო რესურსცენტრიდან მოპოვებული ინფორმაცით, 2024-2025 სასწავლო წლის ეროვნული სასწავლო ოლიმპიადის მესამე ტურში ხარაგაულიდან ოთხი მოსწავლე გადავიდა.

ისტორიაში – ზურაბ დუგლაძე (ხარაგაულის #2 სკოლა, XII კლ.);

გეოგრაფიაში – ლიზი კურტანიძე (ხარაგაულის #3 სკოლა, X კლ.);

ქართულში – ნინო არევაძე (ხარაგაულის სკოლა-გიმნაზია, XII კლ.), მარიამ ბერაძე (ბორის სკოლა, XII კლ.);

ბიოლოგიაში – მარიამ ბერაძე (ბორის სკოლა, XII კლ.).

შეგახსენებთ, რომ 2024-2025 სასწავლო წლის ეროვნული სასწავლო ოლიმპიადის გამარჯვებულია ის მოსწავლე, რომელიც დააგროვებს შესაბამისი საგნის ტესტის მაქსიმალური ქულის 60%-ს და მოხვდება შესაბამისი კლასისა და საგნის რეიტინგული სიის პირველ ათ მონაწილეს შორის.  
საუკეთესო შედეგების მქონე მოსწავლეები დიპლომებით, სიგელებითა და სპეციალური პრიზებით დაჯილდოვდებიან. ასევე, გამარჯვებული მოსწავლეები გახდებიან საქართველოს ნაკრები გუნდის წევრები, რომლებიც მონაწილეობას იღებენ საერთაშორისო ოლიმპიადებში.