„სასწრაფოდ შველა გვჭირდება, სახლი გვენგრევა“ – ამბობს ლეღვნელი იზა ვეფხვაძე

ხარაგაულის მუნიციპალიტეტის სოფელ ლეღვნიდან „თაგვების უბანში“ მცხოვრები მევლუდი ვეფხვაძის მეუღლე, ქალბატონი იზა დიდთოვლობის გამო წარმოქმნილი პრობლემის შესახებ დაგვიკავშირდა.

„ავარიულ სახლში მე და ჩემი მეუღლე ვცხოვრობთ. მეუღლე ავადმყოფია და სახურავზე გადმოსათოვლად ასვლა ვერ შეძლო. ერთი კედელი გაიხსნა და ბლოკები ჩამოცვივდა.

სახლმა დაიწია და ბზარები თანდათან მატულობს. ოთახში, სადაც ვიმყოფებით, აღარც ფანჯარაა ნორმალური და აღარც იატაკი, რადგან კედლები დეფორმირდა. სასწრაფოდ შველა გვჭირდება. იქნებ მერიიდან მოგვეშველონ“, – ამბობს იზა ვეფხვაძე.

23 თებერვლის საღამოდან ხარაგაულის მუნიციპალიტეტში გადაუღებლად თოვს. თოვლის საფარმა მუნიციპალიტეტის სოფლებში 2 მეტრს გადააჭარბა.