სოფლის მეურნეობის სამინისტრო თხილის სექტორის განვითარების პროგრამას ახორციელებს.

სოფლის მეურნეობის სამეცნიერო-კვლევითი ცენტრი გეგმავს წვლილი შეიტანოს „თხილის წარმოების მხარდაჭერის პროგრამის“ ეფექტურად განხორციელებაში.

ამ მიზნით, კვლევითი ცენტრის მრავალწლოვანი კულტურების კვლევისა და სარგავი მასალების წარმოების დეპარტამენტის მეცნიერ-თანამშრომლების მიერ თხილის მწარმოებელი ფერმერებისთვის და ამ დარგით (თხილის წარმოებით) დაინტერესებული პირებისთვის დაგეგმა გრძელვადიანი ტრეინინგები, რომელიც მიზნად ისახავს მათი ცოდნის გაღრმავებასა და ახალი ტექნოლოგიების გაცნობას.

ტრეინინგების მონაწილეებს საშუალება ექნებათ სოფლის მეურნეობის სამეცნიერო-კვლევითი ცენტრის წამყვანი სპეციალისტებისგან მიიღონ ინფორმაცია და პრაქტიკული რჩევები თხილის ჯიშების შერჩევის, სარგავი მასალის წარმოების, ბაღების გაშენების, მოვლა-მოყვანის, მოსავლის აღების, პირველადი სასაქონლო დამუშავებისა და თხილის ბაღებში ჩასატარებელი ძირითადი აგროტექნიკური ღონისძიებების შესახებ.

უკვე დაგეგმილი ტრეინინგები გაიმართება:

  • სამეგრელო-ზემო სვანეთი – 13- 14 აგვისტო, 20-21 აგვისტო;
  • აჭარის ა/რ – 26-27 აგვისტო;
  • გურია – 3-4 სექტემბერი, 10-11 სექტემბერი;
  • იმერეთი, რაჭა-ლეჩხუმი, ქვემო სვანეთი – 17-18 სექტემბერი;
  • კახეთი 24-25 სექტემბერი;

დეტალური ინფორმაციის მისაღებად გთხოვთ, დაუკავშირდეთ შესაბამის რეგიონალურ სამმართველოებსა და საინფორმაციო-საკონსულტაციო სამსახურებს.

ხარაგაულის საინფორმაციო-საკონსულტაციო სამსახურს შეგიძლიათ დაუკავშირდეთ ტელეფონით ნომერზე 595 85 83 80.