გადასატანი საარჩევნო ყუთით #48.30 ხევის საარჩევნო უბანზე ამომრჩეველთა ხმები შესაძლოა, გაუქმდეს.

საუბნო საარჩევნო კომისიის თავმჯდომარე ნანა კურტანიძე ამბობს, რომ გადაწყვეტილებას დამოუკიდებლად ვერ იღებს და #48 ხარაგაულის საოლქო კომისიის წევრების მისვლას ელოდება.

რა მოხდა ხევში, ამის შესახებ ხევის საუბნო კომისიიდან გვატყობინებენ, კომისიის წევრებმა გადასატანი საარჩევნო ყუთით ხმის მიმცემ ამომრჩეველთა სხვა სია წაიღეს.

ხევის საარჩევნო უბანზე გადასატანი ყუთით ხმის მისაცემად 46 ამომრჩეველი იყო დარეგისტრირებული.