საოლქო საარჩევნო კომისიების მიერ საუბნო საარჩევნო კომისიის ხელმძღვანელი პირებისა და წევრების შესარჩევი კონკურსი გამოცხადდა.

3 030 საარჩევნო უბანზე ამომრჩევლებს სულ 51 510 კომისიის წევრი მოემსახურება, მათგან საოლქო საარჩევნო კომისიებმა უნდა აირჩიონ 9 090 ხელმძღვანელი პირი და 15 150 წევრი. დანარჩენ 27 270 წევრს კი უფლებამოსილი 9 პოლიტიკური პარტია დანიშნავს.

ცენტრალური საარჩევნო კომისია (ცესკო) გაცნობებთ, რომ კონკურსში მონაწილეობის მსურველებმა უნდა მიმართონ საოლქო საარჩევნო კომისიას 2-დან 5 სექტემბრის ჩათვლით 10:00-დან 18:00 საათამდე. ასევე, განმცხადებელს საკონკურსო დოკუმენტაცია შეუძლია წარადგინოს სპეციალური ელექტრონული პლატფორმის საშუალებით.

პროცედურების გამარტივების მართვა, ცესკომ მსურველთათვის შეიმუშავა განცხადებები, რომელიც საოლქო საარჩევნო კომისიაშიც არის ხელმისაწვდომი.

წყარო