ხარაგაულის მუნიციპალიტეტში ხიდ-ბოგირების, სასოფლო და საუბნო გზებისა და გაბიონების მოსაწყობად საპროექტო-სახარჯთაღრიცხვო დოკუმენტაცია შპს-მ „პროექტმშენი+“ (დირექტორი ვახტანგ თხელიძე) მოამზადა. მშენებელი ორგანიზაციების შესარჩევად მალე ტენდერები უნდა გამოცხადდეს.

ვანში ხიდ-ბოგირის შეკეთება, სავარაუდოდ, 3000 ლარად იგეგმება; ვარძიაში პირველი უბნის ხიდის შეკეთების სავარაუდო ღირებულება კი 4 000 ლარია. კვადოურაში მცირე გამავლობის ხიდ-ბოგირის შეკეთება 25000 ლარადაა დაგეგმილი.

ხარაგაულის მუნიციპალიტეტის სოფელ გოლათუბანში 2 კმ-იანი საუბნო გზის შეკეთების სავარაუდო ღირებულებად 5000 ლარია განსაზღვრული; ლეღვანში კიბაბოურის 2,5 კმ-იანი საუბნო გზის შეკეთების სავარაუდო ღირებულებაა – 10 000 ლარი; მარელისში ბერაწმინდის 2,5 კმ-იანი საუბნო გზის შეკეთების სავარაუდო ღირებულება – 10 000 ლარი; ხარაგაულში, 9 აპრილის ქ. მესამე ჩიხის 50-60 მ. გზის შესაკეთებლად 2000 ლარია განსაზღვრული; სარგვეშში ცისკაძეების 1,5 კმ-იანი საუბნო გზის შესაკეთებლად – 8000 ლარი; ბორის 2,5 კმ-იანი საუბნო გზის შესაკეთებლად – 10 000 ლარი; ხიდარში დაწყებითი სკოლის 0,5 კმ-იანი გზის შესაკეთებლად – 2000 ლარი.

ხევი-ნადაბურის დამაკავშირებელ გზაზე გაბიონებია მოსაწყობია, რაც, სავარაუდოდ, 120 000 ლარი დაჯდება.