საქართველოს გარემოს დაცვისა და სოფლის მეურნეობის სამინისტროს ინფორმაციით, გადამფრენ ფრინველებზე ნადირობის მსურველს ნადირობა დაწესებული მოსაკრებლის (10 ლარი) გადახდის შემდეგ, 24 აგვისტოდან 2025 წლის პირველ მარტამდე პერიოდში შეეძლება.

მოსაკრებლის გადახდა შესაძლებელია საქართველოს ნებისმიერ ბანკში.

გადამფრენ ფრინველებზე ნადირობის მსურველმა ასევე უნდა გაითვალისწინოს, რომ ნადირობა აკრძალულია ყველა სხვა იარაღიდან, რომელიც მითითებული არ არის „იარაღის შესახებ“ საქართველოს კანონის მე-7 მუხლში, კერძოდ:

  • სანადირო გლუვლულიანი ცეცხლსასროლი იარაღიდან (თოფი),
  • სანადირო ხრახნილლულიანი ცეცხლსასროლი იარაღიდან (კარაბინი ან შაშხანა),
  • სანადირო კომბინირებული ცეცხლსასროლი იარაღიდან (ხრახნილლულიანი და გლუვლულიანი თოფო),
  • სანადირო ცივი და ცივი სასროლი იარაღიდან და სანადირო პნევმატური იარაღიდან.

გასათვალისწინებელია, რომ ნადირობა აკრძალულია საქართველოს კანონმდებლობით დადგენილ ადგილებში, მათ შორის:

  • საქართველოს ქალაქების ადმინისტრაციულ საზღვრებში;
  • სახელმწიფო ნაკრძალებში;
  • ეროვნულ პარკებში;
  • ნუგზარ ზაზანაშვილის სახელობის სამუხის მრავალმხრივი გამოყენების ტერიტორიაზე;
  • ასევე სახელმწიფო ნაკრძალების გარშემო 500-მეტრიან და ეროვნული პარკების გარშემო 250-მეტრიან ზონებში;
  • სამინისტროს სსიპ ველური ბუნების ეროვნული სააგენტოს მართვაში/სარგებლობაში არსებული საშენი მეურნეობების ფართობებზე.

ნადირობისათვის დაშვებული გადამფრენი ფრინველების სახეობების ჩამონათვალი, ნადირობის ვადები და დღიური ლიმიტები ნადირობის ადგილების მიხედვით ვრცლად წაიკითხეთ საქართველოს გარემოს დაცვისა და სოფლის მეურნეობის სამინისტროს გვერდზე.