ხარაგაულის ისტორიულ მუზეუმში (დირექტორი ნინო დიდიძე) ტრადიციული პროექტი – „მუზეუმი მასპინძლობს მუნიციპალიტეტის სტუმარ ბავშვებს“ დაიწყო.

16 ივლისს მუზეუმში 9-დან 12 წლამდე ასაკის ბავშვებისთვის მოეწყო პროექტი – „პატარა არქეოლოგები“ და „მოხალისე რესტავრატორები“.

18 ივლისს გაიმართა ღონისძიება „ჩემი პატარა ხელებით“ – 3-დან 10 წლის ასაკამდე ბავშვებისთვის. ღონისძიებების მონაწილეებმა, აქტივობების პარალელურად, ისტორიული მუზეუმი დაათვალიერეს და მშობლიური ხარაგაულის ისტორიას გაეცვნენ.

19 ივლისს მოსწავლეებისთვის „სახალისო შემეცნებითი ვიქტორინა“ ჩატარდა. მუზეუმის ადმინისტრაციამ პროექტის მონაწილეები სიგელებით დააჯილდოვა.