დღეს, 13 მაისს, გაეროს ბავშვთა ფონდის წარმომადგენელი საქართველოში, იესპერ მოლერი ბავშვთა უფლებებზე მომუშავე სამოქალაქო ორგანიზაციების წარმომადგენლებს შეხვდა.

შეხვედრაზე განიხილეს ბავშვის უფლებათა კოდექსის განხორციელება და სამოქალაქო საზოგადოების როლი ამ პროცესში.

კოდექსის განხორციელების ძირითადი სტრატეგია ბავშვთა უფლებების დაცვის საქმეში მთელი საზოგადოების აქტიური ჩართულობაა. იგი მოიცავს ხელისუფლებას, მუნიციპალიტეტებს, სამოქალაქო საზოგადოების ორგანიზაციებს, საერთაშორისო საზოგადოებას, აკადემიას, ახალგაზრდებსა და ინდივიდებს, რომლებიც ხელს უწყობენ საერთო ეთიკური ნორმების, პრინციპებისა და ღირებულებების დაცვას. ურთიერთთანამშრომლობა ამ მიდგომის ქვაკუთხედია, სამოქალაქო საზოგადოების ორგანიზაციების როლი კი – გადამწყვეტი.

სამოქალაქო საზოგადოების ორგანიზაციებმა იუნისეფს გაუზიარეს მოსაზრებები ბავშვთა უფლებების დაცვისა და კოდექსის განხორციელების კუთხით მათ მიერ გაწეული ძალისხმევის შესახებ.

წყარო