იმოქმედე ახლავე, აიცილე ჰეპატიტი!

აიცილე ჰეპატიტი: იცოდე რისკების შესახებ!

აიცილე ჰეპატიტი: მოითხოვე უსაფრთხო ინექციები!

აიცილე ჰეპატიტი: ჩაუტარეთ ბავშვებს ვაქცინაცია!

აიცილე ჰეპატიტი: ჩაიტარე ტესტირება, იმკურნალე!

უფასოდ! ჰეპატიტის მსოფლიო დღესთან დაკავშირებით 2015 წლის 27 ივლისიდან ათი სამუშაო დღის განმავლობაში  დაგეგმილია  С ჰეპატიტის საყოველთაო გამოკვლევა და მკურნალობა.

საქართველოს ნებისმიერ მოქალაქეს შესაძლებლობა ეძლევა ჩაიტარონ უფასო გამოკვლევა დაავადებათა კონტროლისა და საზოგადოებრივი ჯანმრთელობის ეროვნული ცენტრის ლაბორატორიაში შემდეგ მისამართზე:

იმერეთში – ქ. ქუთაისი, დაავადებათა კონტროლის საზოგადოებრივი ჯანმრთელობის ეროვნული ცენტრის ქუთაისის ზონალური ლაბორატორია  (მის.: ქ. ქუთაისი, ოცხელის ქ. N2; ტელ.: 0431 220518; 0431 220539);

ვირუსული ჰეპატიტები,  რომლითაც მსოფლიოში ასობით მილიონი ადამიანია დაავადებული, არის  ინფექციური დაავადებების ჯგუფი, რომელშიც შედის A, B, C, D და E ჰეპატიტები. ის იწვევს ღვიძლის მწვავე და ქრონიკულ დაავადებას და ყოველწლიურად დაახლოებით 1.45 მილიონი ადამიანის სიკვდილის მიზეზი ხდება. B ჰეპატიტით ქრონიკულად ინფიცირებულია 240 მილიონი ადამიანი. ყოველწლიურად დაახლოებით 780 000 ადამიანი იღუპება, აქედან 650 000 ქრონიკული B ჰეპატიტის გართულებებით, ხოლო 130 000 მწვავე B ჰეპატიტით.

მსოფლიოში სულ ქრონიკული C ჰეპატიტი აღენიშნება 130-150 მილიონ ადამიანს. მასთან დაკავშირებული ღვიძლის გართულებებით ყოველწლიურად იღუპება 350 000-დან 500 000-მდე ადამიანი.

ხარაგაულის საზოგადოებრივი ჯანმრთელობის დაცვის ცენტრი