დღეს, 20 მარტს, დილით ოზურგეთიდან თბილისისკენ მომავალი სამგზავრო მატარებელი სოფელ ნატანებთან ლიანდაგიდან გადავიდა.

„საქართველოს რკინიგზადან“ მოპოვებული ინფორმაციით, „ამ მატარებლის ელმავალი და პირველი ვაგონი ლიანდაგს ასცდა. შემთხვევის შედეგად არავინ დაშავებულა. მიმდინარეობს მოკვლევა და შემთხვევის გამომწვევი მიზეზების დადგენა. როდის გამოვა ოზურგეთის მატარებელი ნატანებიდან, ჯერჯერობით უცნობია“.

ოზურგეთი-თბილისის მატარებელს ქუთაისში ერთი ვაგონი ემატება. „საქართველოს რკინიგზის“ ინფორმაციით, ქუთაისიდან მატარებელი თბილისის მიმართულებით ჩვეულ დროს გამოვა და ხარაგაულში 13:50 საათზე, ხოლო თბილისში 17:30 საათზე იქნება.

გურია TV-ის ფოტო