სოციალურად დაუცველი და მძიმე ეკონომიური პირობების მქონე მოქალაქეებზე მატერიალური დახმარების გაწევის მიზნით შექმნილი მუდმივმოქმედი კომისიის გადაწყვეტილებით, ხარაგაულის მუნიციპალიტეტის ბიუჯეტიდან 2015 წლის ექვს თვეში გაიცა სოცდახმარებები კატეგორიების მიხედვით შემდეგი ოდენობით:

  1. მედიკამენტების შესაძენად დახმარება გაეწია 572 მოქალაქეს, თანხით 61 249 ლარი;
  2. სამედიცინო მომსახურეობისთვის 196 ბენეფიციარს – 85 672 ლარით;
  3. ბავშვის შეძენასთან დაკავშირებით 71 ოჯახს 15 000 ლარი;
  4. სარიტუალო ხარჯებისთვის დახმარება გაეწია სოციალურად დაუცველ 94 ბენეფიციარს 18 800 ლარით.
  5. ომის ვეტერანისა და დევნილის დაკრძალვისთვის 4 ოჯახს – 1000 ლარი;
  6. დიალიზზე მყოფ და ლეიკემიით დაავადებულთა დახმარება – 6 400 ლარი;
  7. ერთჯერადი ფინანსური დახმარება გაეწია 95 მოქალაქეს თანხით 27 200 ლარი;
  8. ალილოს დღესასწაულთან დაკავშირებით 50 სოციალურად დაუცველ და უკიდურესად გაჭირვებულ ოჯახს გადაეცა საკვები პროდუქტები – 995 ლარის;
  9. საახალწლოდ დასაჩუქრდა 58 ოჯახი (უსინათლოები, დევნილები და შშმ ბავშვები) – 2 900 ლარი;
  10. 1989 წლის 9 აპრილს დაზარალებულ ორ მოქალაქეზე გაიცა სულ 600 ლარი;
  11. ფაშიზმზე გამარჯვების 70 წლისთავთან დაკავშირებით სამამულო ომის 21 ვეტერანს გადაეცა სულ 4200 ლარი (თითოეულს 200 ლ).
  12. ბავშვთა დაცვის საერთაშორისო დღესთან (1 ივნისი) დაკავშირებით შეზღუდული შესაძლებლობის სტატუსის მქონე 62 ბავშვს გადაეცა 3100 ლარი (თითოეულს 50 ლ.)
  13. დედის დღესთან (3 მარტი) დაკავშირებით 77 მრავალშვილიან (4 და მეტი შვილი) ოჯახს – 3 850 ლარი;
  14. ქალთა დღესთან (8 მარტი) დაკავშირებით 51 უხუცეს ქალბატონს (90 წელს გადაცილებული) — 2 550 ლ.
  15. აღდგომის დღესასწაულთან დაკავშირებით 165 ოჯახს (დევნილი, უკიდურესად გაჭირვებულ და მარტოხელა) გადაეცა სულ 8 250 ლარი (თითოეულს 50 ლარი);
  16. საქართველოს ტერიტორიული მთლიანობისათვის ომში დაღუპულთა 3 ოჯახს, რომლებიც არ არიან ჩართულნი სახელმწიფო პროგრამაში – 600 ლარი (თითოეულს 200 ლ.);
  17. ომის ვეტერანებს ყოველთვიური დახმარება კომუნალური გადასახადებისათვის – 3 650 ლარი;
  18. ზესტაფონის უსინათლოთა კავშირის წევრ მოქალაქეებზე ყოველთვიური დახმარება კომუნალური გადასახადებისათვის – 7 750 ლარი;
  19. აუტიზმით დაავადებულთა და დაუნის სინდრომის მქონე პირთა საერთაშორისო დღეებთან დაკავშირებით 6 მოქალაქეზე გაიცა 1 200 ლარი (თითოეულს 200 ლარი);
  20. სტიქიით დაზარალებული და მძიმე საცხოვრებელი პირობების მქონე 21 მოქალაქეზე გაიცა 23 400 ლარი.