2024 წლის პირველი იანვრიდან საჯარო მოხელეების ხელფასები 10%-ით იზრდება. ხელფასები გაიზარდა მერიაში, საკრებულოსა და თვითმმართველობისგან დაფუძნებულ ააიპ-ებში დასაქმებულებს, გარდა სკოლამდელ დაწესებულებათა გაერთიანებისა. ამ ორგანიზაციაში ხელფასები ყველა დასაქმებულს 100-100 ლარით მოემატა.

ხარაგაულის მუნიციპალიტეტის საკრებულოს 2024 წლის 17 იანვრის #3 დადგენილებით, პირველი იანვრიდან

  • ხარაგაულის მუნიციპალიტეტის მერის ხელფასი 6 118 ლარია;
  • მერის პირველი მოადგილის – 4 655 ლარი;
  • მუნიციპალიტეტის მერის მოადგილის – 4 256 ლარი;
  • მერიის სამსახურის უფროსების – 3 059ლარი;
  • სამსახურის უფროსის მოადგილის – 2926 ლარი;
  • განყოფილების უფროსი – 2 394 ლარი;
  • პირველი კატეგორიის უფროსი სპეციალისტის – 1729 ლარი;
  • მეორე კატეგორიის უფროსი სპეციალისტის – 1596 ლარი;
  • მესამე კატეგორიის უფროსი სპეციალისტის – 1197 ლარი;
  • პირველი კატეგორიის უმცროსი სპეციალისტის – 1064 ლარი;
  • მეორე კატეგორიის უმცროსი სპეციალისტის – 997, 5 ლარი;
  • მესამე კატეგორიის უმცროსი სპეციალისტის – 997, 5 ლარი;
  • ადმინისტრაციულ ერთეულებში მერის წარმომადგენელთა ხელფასი 1815 ლარი;
  • მერის წარმომადგენლის ასისტენტის – 968 ლარი.

2024 წლის პირველი იანვრიდან ხარაგაულის მუნიციპალიტეტის საკრებულოს თავმჯდომარის თანამდებობრივი სარგო თვეში 5 457 ლარი გახდა, მისი პირველი მოადგილის – 4 126 ლარი, მოადგილეების – 3 593 ლარი, საკრებულოში მოქმედი კომისიების თავმჯდომარეების – 2 928 ლარი, ფრაქციების თავმჯდომარეების – 2 662 ლარი, ფრაქციის თავმჯდომარის მოადგილეების – 2 129 ლარი.

საკრებულოს აპარატის უფროსის ყოველთვიური ანაზღაურება 2 660 ლარი იქნება, მესამე რანგის მეორე კატეგორიის  უფროსი სპეციალისტის – 1 596 ლარი, მესამე რანგის მესამე კატეგორიის  უფროსი სპეციალისტის – 1 463 ლარი.